ഏറ്റുമാനൂര്‍: ഏറ്റുമാനൂരിലെ കോട്ടയം മെഡിക്കല്‍ കോളജ് കുടുംബാരോഗ്യ കേന്ദ്രത്തിലെ പുതിയ ഒ.പി, അത്യാഹിത വിഭാഗം ബ്ലോക്കിന്റെ നിര്‍മാണ പ്രവര്‍ത്തനങ്ങള്‍ അന്തിമഘട്ടത്തില്‍.
പ്ലംബിംങ്, ഇലക്ട്രിക്കല്‍ ജോലികളാണ് ഇനി പൂര്‍ത്തീകരിക്കാനുള്ളത്.
രണ്ടു നിലകളിലായി 9188 ചതുരശ്രയടി വരുന്ന കെട്ടിടം ദേശീയ ആരോഗ്യ മിഷന്‍ പദ്ധതിയില്‍ ഉള്‍പ്പെടുത്തി 2.78 കോടി രൂപ ചെലവഴിച്ചാണ് നിര്‍മിക്കുന്നത്. താഴത്തെ നിലയില്‍ നാല് ഒ.പി. കേന്ദ്രം, അത്യാഹിത വിഭാഗം, മൈനര്‍ ഒ.ടി, ഡ്രസ്സിംങ് റൂം, നഴ്സിംഗ് സ്റ്റേഷന്‍, കുത്തിവെപ്പ് മുറി, നെബുലൈസേഷന്‍ മുറി, ശൗചാലയം, ഭിന്നശേഷിക്കാര്‍ക്കായുള്ള പ്രത്യേകം സജ്ജീകരിച്ച ശൗചാലയങ്ങള്‍ എന്നിവ ഉണ്ടായിരിക്കും. ഒന്നാംനിലയില്‍ ഹൗസ് സര്‍ജന്‍മാരുടെ ഡ്യൂട്ടി മുറി, ലോബി ഹാള്‍, ഇ- ഹെല്‍ത്ത് റൂം എന്നിവയും ഒരുക്കിയിട്ടുണ്ട്. നിലവില്‍ 400 രോഗികള്‍ ദിനംപ്രതി കുടുംബാരോഗ്യ കേന്ദ്രത്തില്‍ എത്തുന്നുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: