ജീവിതത്തിൽ വലിയ ആദർശങ്ങൾ പറയുന്ന നടനാണ് പ്രകാശ് രാജ് . എന്നാൽ പറയുന്നതൊന്നും താരത്തിന്റെ പ്രവൃത്തിയിൽ കാണാനാകില്ലെന്നാണ് പലരും പറയുന്നത് . പ്രകാശ് രാജിനെക്കുറിച്ച് തമിഴ് ഫിലിം ജേർണലിസ്റ്റ് അന്തനൻ പറഞ്ഞ വാക്കുകളാണിപ്പോൾ ശ്രദ്ധ നേടുന്നത്.
‘ പ്രകാശ് രാജ് പുറത്ത് വലിയ ആദർശം പറയും. ലോകത്തിലേക്ക് നീതിമാനാണെന്നൊക്കെ പറയും. പക്ഷെ അയാളെ വെച്ച് സിനിമ ചെയ്യുന്നത് മദയാനയെ കൊണ്ട് വന്ന് വീട്ടിൽ കെട്ടിയിടുന്നത് പോലെയാണ്. അയാളെ വെച്ച് സിനിമകളെടുത്തവരോട് ചോദിച്ച് നോക്കൂ. എന്ത് മാത്രം ടോർച്ചറാണ് കൊടുക്കുന്നതെന്ന് .
ഒരു ദിവസം സ്വപ്നത്തിൽ മനോഹരമായ ഒരു ലൊക്കേഷൻ കണ്ടുവെന്ന് പറഞ്ഞ് രാവിലെ ആരോടും പറയാതെ പോയി. യൂണിറ്റ് മുഴുവനും കാത്തിരുന്നു. ഫോൺ വിളിച്ചിട്ട് എടുത്തില്ല. എവിടെയോ പോയി. 20 ദിവസം കഴിഞ്ഞാണ് വന്നത്. സ്വപ്നത്തിൽ ഭംഗിയുള്ള ലൊക്കേഷൻ കണ്ടു, അത് തേടി പോയതാണെന്ന് പറഞ്ഞു. എന്ത് അഹങ്കാരമാണെന്ന് നോക്കൂ. ഇങ്ങനെയുള്ള അഭിനേതാക്കളും ഇവിടെയുണ്ട്. എന്നാൽ പൊതുവിടങ്ങളിൽ ന്യായവും ധർമ്മവുമെല്ലാം സംസാരിക്കും‘ എന്നാണ് അന്തനൻ പറയുന്നത്.
