ആലുവ : വീട്ടിൽ അതിക്രമിച്ച് കയറി വൃദ്ധയുടെ മാല മോഷ്ടിച്ച കേസിൽ മോഷ്ടാവ് പിടിയിൽ. ആലുവ എൻ എ ഡി, കോമ്പാറ മടപ്പാട്ട് വീട്ടിൽ നിസാർ (42) നെയാണ് എടത്തല പോലീസ് പിടികൂടിയത്. ചൊവ്വാഴ്ച പകൽ രണ്ടു മണിയോടുകൂടിയായിരുന്നു സംഭവം.
എൻ എ ഡി ഭാഗത്തുള്ള എഴുപത് കാരിയായ വൃദ്ധയുടെ വീട്ടിൽ അതിക്രമിച്ചു കയറി ഹാളിലെ സെറ്റിൽ കിടക്കുകയായിരുന്ന ഇവരുടെ മുഖത്തേക്ക് മുളകുപൊടി എറിഞ്ഞ് രണ്ടര പവൻ തൂക്കം വരുന്ന സ്വർണ്ണമാല പൊട്ടിച്ച് കടന്നുകളയുകയായിരുന്നു. പ്രത്യേക അന്വേഷണ സംഘമാണ് ഇയാളെ പിടികൂടിയത്.
അന്വേഷണസംഘത്തിൽ ഇൻസ്പെക്ടർ കെ. സെനോദ്, എസ് ഐ മാരായ ലിജോ, സജീവ്, എ എസ് ഐ മാരായ സജീവ്, സക്കീർ, എസ് സി പി ഒ മുഹമ്മദ് റഫീഖ് എന്നിവരാണ് ഉണ്ടായിരുന്നത്.
