ചെന്നൈ: ട്വന്റി-20 ലോകകപ്പ് സൂപ്പര് എട്ടില് ഇന്ത്യയ്ക്ക് തകര്പ്പന് ജയം. സിംബാബ്വെയ്ക്കെതിരെ 72 റണ്സിനാണ് ഇന്ത്യന് ജയം.
ഇതോടെ ഇന്ത്യ സെമി സാധ്യതകള് സജീവമാക്കി.തോല്വിയോടെ സിംബാബ്വെ ലോകകപ്പില്നിന്നും പുറത്തായി.
ഇന്ത്യ ഉയര്ത്തിയ 257 റണ്സ് വിജയലക്ഷ്യം പിന്തുടര്ന്ന സിംബാബ്വെയ്ക്ക് ആറ് വിക്കറ്റ് നഷ്ടത്തില് 184 റണ്സേ നേടാനായുളളൂ. സിംബാബ്വെയ്ക്കായി ബ്രയാന് ബെന്നറ്റ് 59 പന്തില് ആറ് സിക്സും എട്ട് ഫോറും ഉള്പ്പെടെ പുറത്താകാതെ 97 റണ്സ് നേടി.
മരുമണി 20 പന്തില് 20 റണ്സും സിക്കന്ദര് റാസ 21 പന്തില് 31 റണ്സും നേടി. ടോണി മുനിയോംഗ 11 റണ്സെടുത്തു.മറ്റാര്ക്കും രണ്ടക്കം കാണാന് കഴിഞ്ഞില്ല. ഇന്ത്യയ്ക്കായി അര്ഷദീപ് മൂന്ന് വിക്കറ്റ് എടുത്തു.
