നിരപരാധികൾ ക്രൂരമായി കൊല്ലപ്പെട്ടു ; ഇന്ത്യയ്‌ക്ക് പൂർണ്ണ പിന്തുണയെന്ന് എഫ്ബിഐ ഡയറക്ടർ കാഷ് പട്ടേൽ

വാഷിംഗ്ടൺ : കശ്മീരിലെ പഹൽഗാമിൽ നടന്ന ഭീകരാക്രമണത്തെ യുഎസിന്റെ പ്രധാന അന്വേഷണ ഏജൻസിയായ എഫ്ബിഐയുടെ തലവൻ കാഷ് പട്ടേൽ അപലപിച്ചു. ഈ സംഭവത്തിൽ ഇന്ത്യയ്‌ക്ക് പൂർണ്ണ സഹകരണം അദ്ദേഹം വാഗ്ദാനം ചെയ്തിട്ടുമുണ്ട്.

ഏപ്രിൽ 22 ന് നടന്ന ഭീകരാക്രമണത്തിൽ 26 നിരപരാധികൾ ക്രൂരമായി കൊല്ലപ്പെട്ടുവെന്ന് കാഷ് പട്ടേൽ പറഞ്ഞു. ഇരകളെ പരിച്ഛേദന ചെയ്തിട്ടുണ്ടോ എന്ന് പരിശോധിക്കാൻ അവരുടെ പാന്റ്സ് അഴിച്ചുമാറ്റി, അവരോട് കൽമ ചൊല്ലാൻ ആവശ്യപ്പെട്ടു, അവരുടെ തിരിച്ചറിയൽ കാർഡുകൾ പരിശോധിച്ചു. തീവ്രവാദികൾ ഇരകളെ കൊല്ലുന്നതിനുമുമ്പ് അവരുടെ ഹിന്ദു ഐഡന്റിറ്റി സ്ഥിരീകരിച്ചു. ഭീകരത ലോകത്തിന് ഉയർത്തുന്ന ഗുരുതരമായ ഭീഷണിയെക്കുറിച്ച് ഈ സംഭവം വീണ്ടും നമ്മെ ഓർമ്മിപ്പിക്കുന്നുവെന്ന് അദ്ദേഹം പറഞ്ഞു.

അതേ സമയം കാഷ് പട്ടേൽ ഇന്ത്യൻ വംശജനാണ്. ഡൊണാൾഡ് ട്രംപ് വീണ്ടും പ്രസിഡൻ്റായി തിരഞ്ഞെടുക്കപ്പെട്ടതിനുശേഷം ഈ സ്ഥാനത്തേക്ക് അദ്ദേഹത്തെ നിയമിക്കുകയായിരുന്നു.