ഭാരതീയ ജനാധിപത്യം സമയാനുസൃതമായ പരിഷ്‌കാരങ്ങളിലൂടെ ശക്തിപ്പെടുകയാണ്. ‘ഒറ്റ രാഷ്‌ട്രം, ഒറ്റ തെരഞ്ഞെടുപ്പ്’ ബില്‍ പാര്‍ലമെന്റില്‍ അവതരിപ്പിച്ചിരിക്കുന്നത് ഈ ദിശയിലെ സുപ്രധാന നീക്കമാണ്. രാജ്യത്തിന്റെ ഭരണപ്രവര്‍ത്തനത്തില്‍ സുതാര്യതയും കാര്യക്ഷമതയും ഉറപ്പാക്കാന്‍ ഇതുവഴി വലിയ അവസരം ലഭിക്കും.
നിലവില്‍ കേന്ദ്രം, സംസ്ഥാനങ്ങള്‍ തുടങ്ങിയ നിരവധി ഭരണഘടനാതലങ്ങളില്‍ വിവിധ സമയങ്ങളില്‍ തെരഞ്ഞെടുപ്പുകള്‍ നടക്കുന്നു. ഇതിനുപകരം ഒരേസമയം രാജ്യത്താകെ തെരഞ്ഞെടുപ്പുകള്‍ നടത്തുന്നതിനുള്ള നിയമ നിര്‍മാണമാണ് ലക്ഷ്യമിടുന്നത്. ഇതുവഴി, വിവിധ ഭരണഘടനാതലങ്ങള്‍ തമ്മിലുള്ള സമന്വയം മെച്ചപ്പെടുകയും ഭരണഘടനാപരമായ തടസങ്ങള്‍ കുറയുകയും ചെയ്യും. തെരഞ്ഞെടുപ്പ് ചെലവുകള്‍ വന്‍തോതില്‍ കുറയും. പലതവണ നടത്തുന്ന തെരഞ്ഞെടുപ്പ് പ്രചാരണങ്ങളില്‍ ചെലവാകുന്ന പണം രാജ്യത്തിന്റെ വികസനപ്രവര്‍ത്തനങ്ങള്‍ക്ക് വിനിയോഗിക്കാനാകും.
ഭരണഘടനാതലങ്ങളില്‍ സ്ഥിരം തെരഞ്ഞെടുപ്പ് നിയന്ത്രണങ്ങള്‍ ഒഴിവായാല്‍ ഭരണഘടനാപരമായ കാര്യങ്ങള്‍ ജാഗ്രതയോടെ നടപ്പാക്കാന്‍ ഭരണകൂടത്തിന് സാധിക്കും. ഒന്നിച്ചുള്ള തെരഞ്ഞെടുപ്പ് പൊതുജനത്തിന്റെ ശ്രദ്ധയും പങ്കാളിത്തവും വര്‍ദ്ധിപ്പിക്കാനും സഹായിക്കും.
ബില്ലിനെതിരെ ഉയരുന്ന പ്രധാന വിമര്‍ശനം സാമൂഹിക വൈവിധ്യമുള്ള ഭാരതത്തില്‍ ഒരേസമയം തെരഞ്ഞെടുപ്പ് നടത്തുന്നത് പ്രായോഗികമല്ല എന്നതാണ്. പലയിടത്തും സാങ്കേതിക, മാനവവിഭവശേഷി സംബന്ധമായ പ്രശ്നങ്ങള്‍ ഉണ്ടായേക്കാം. സാങ്കേതിക മുന്നേറ്റങ്ങള്‍ ഉപയോഗപ്പെടുത്തി തെരഞ്ഞെടുപ്പു പ്രക്രിയ നിഷ്പക്ഷവും സമതുലിതവുമാക്കാന്‍ സാധിക്കും.
ഭാരതത്തിന്റെ ജനാധിപത്യപരമ്പരയ്‌ക്ക് ഈ ബില്‍ ഒരു മാറ്റത്തിന്റെയും പുരോഗതിയുടെയും വാഗ്ദാനമാണ്. സമന്വയവും സുതാര്യതയും ഉറപ്പാക്കുന്ന ബില്‍ ഭരണസൗകര്യങ്ങള്‍ മെച്ചപ്പെടുത്താന്‍ കാര്യക്ഷമമായി പ്രവര്‍ത്തിക്കുമെന്ന് പ്രതീക്ഷിക്കാം..ഭരണനവീകരണത്തിന്റെ പ്രാധാന്യം തിരിച്ചറിയുമ്പോള്‍, താത്കാലിക പ്രശ്നങ്ങള്‍ പരിഹരിച്ച് ഭരണപരമായി മികച്ച ഭാവി നിര്‍മിക്കാന്‍ ‘ഒറ്റ രാഷ്‌ട്രം, ഒറ്റ തെരഞ്ഞെടുപ്പ്’ നിയമം നിര്‍ണായകമാകും. രാജ്യത്തിന്റെ സംയുക്ത വികസനത്തിന് ജനങ്ങള്‍ക്കായി അതിനെ സ്വാഗതം ചെയ്യാം.
പ്രതികരിക്കാൻ ഇവിടെ എഴുതുക