സിംഗപ്പൂർ: ആഗോളതലത്തിൽ പ്രതിഭകളെ കണ്ടെത്തുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐഐടി), ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെൻ്റ് (ഐഐഎം) എന്നിവിടങ്ങളിൽ നിന്നുള്ളവരെ സിംഗപ്പൂരിൽ വളരെയധികം പ്രാധാന്യം കൽപ്പിക്കുന്നതായി പ്രധാനമന്ത്രി ലീ സിയാൻ ലൂംഗ് പറഞ്ഞു. ഇവിടെ ഏറ്റവും കൂടുതൽ കഴിവുറ്റ ബിരുദധാരികളാണ് ഉള്ളതെന്ന് അദ്ദേഹം പറഞ്ഞു.
മെയ് 15ന് സർക്കാർ തലപ്പത്ത് നിന്ന് രാജിവെക്കുന്ന വേളയിലാണ് അദ്ദേഹത്തിന്റെ പ്രതികരണം. അവ ഇന്ത്യയിലെ ഏറ്റവും മികച്ച സ്ഥാപനങ്ങളാണ്, അവയിൽ സ്ഥാനം നേടുന്നത് മസാച്യുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജി, സ്റ്റാൻഫോർഡ് യൂണിവേഴ്സിറ്റി അല്ലെങ്കിൽ ഹാർവാർഡ് യൂണിവേഴ്സിറ്റി എന്നിവയിൽ പ്രവേശിക്കുന്നതിന് തുല്യമാണെന്നും അദ്ദേഹം പറഞ്ഞു.
അവിടെ നിന്നുള്ള പ്രൊഫഷണലുകൾ (IIT-IIM അലുമ്‌നി) സിംഗപ്പൂരിൽ അസോസിയേഷനുകൾ രൂപീകരിച്ച് കാലാകാലങ്ങളിൽ ചടങ്ങുകൾ നടത്തുന്നുണ്ടെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക