കണ്ണൂർ : കർഷകന്റെ ആത്മഹത്യയ്ക്ക് പിന്നിൽ ലളിതമായ കാരണങ്ങൾ ആണെന്നാണ് ഞങ്ങളുടെ നിരീക്ഷണമെന്ന് എൽഡിഎഫ് കൺവീനർ ഇ.പി ജയരാജൻ. ഒരു കർഷകനും പെൻഷൻ ലഭിക്കാത്തതിനാൽ മരിക്കുമെന്ന് പറയാൻ കഴിയില്ല. ആത്മഹത്യാ കുറിപ്പിൽ സംശയമുണ്ട്. സംഭവത്തിൽ അന്വേഷണം ആവശ്യമാണെന്നും അദ്ദേഹം പറഞ്ഞു.
കാട്ടാന ശല്യത്തിൽ ആത്മഹത്യ ചെയ്യേണ്ട കാര്യമെന്താണെന്നും ജയരാജൻ ചോദിച്ചു. എത്രയോ പ്രദേശങ്ങളിൽ ആന ഇറങ്ങുന്നുണ്ട്. ശബരിമല സീസണിൽ ആന അവിടെയും ഇ റങ്ങി പ്രശ്നം ഉണ്ടാക്കാറുണ്ടെന്നും ജയരാജൻ കൂട്ടിച്ചേർത്തു. പി. അബ്ദുൾ ഹമീദിനെതിരെ മലപ്പുറത്ത് പോസ്റ്റർ പതിച്ചത് കോൺഗ്രസാണ്. കേരള ബാങ്ക് ഡയറക്ടർ ബോർഡ് അംഗത്വം ഏറ്റെടുത്ത ലീഗിന്റെ നിലപാട് സ്വാഗതാർഹമാണ്. ഇക്കാര്യത്തിൽ ലീഗിൽ ഒരു പ്രശ്നങ്ങളും ഇല്ല. പ്രശ്നം മുഴുവൻ കോൺഗ്രസിനാണെന്നും ജയരാജൻ പറഞ്ഞു.
കേരളത്തിൽ നടക്കുന്ന നവകേരള യാത്ര മറ്റു സംസ്ഥാനങ്ങൾ മാതൃകയാക്കണം. നവകേരള സദസ് ബഹിഷ്കരിച്ചാൽ നഷ്ടം ഉണ്ടാകുന്നത് യുഡിഎഫിന് മാത്രമാണ്. ജനങ്ങൾക്ക് പ്രശ്നങ്ങൾ അവതരിപ്പിക്കാനുള്ള അവസരം നിഷേധിച്ചാൽ ജനങ്ങൾ യുഡിഎഫിനെതിരെ തിരിയുമെന്നും ജയരാജൻ കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക