ന്യൂഡല്ഹി: ഡൊമിനോസ് പിസയുടെ വ്യാപാരമുദ്ര ‘കോപ്പിയടിച്ചതിന്’ പിന്നാലെ പണി കിട്ടി ഡൊമിനിക് പിസ്സ. വ്യാപാരമുദ്ര അനുകരിച്ചതിന് ഡല്ഹി ഹൈക്കോടതി താക്കീത് നല്കി. ‘ഡൊമിനോസ് പിസ്സ’യും ‘ഡൊമിനിക്സ് പിസ്സ’യും പേരില് പോലും സാമ്യമുണ്ടെന്നും സമാനമായ ലോഗോ ഉപയോഗിക്കുന്നത് വഞ്ചനയാണെന്നും കോടതി നിരീക്ഷിച്ചു.
ശരാശരി ബുദ്ധിയും ഓര്മ്മയുമുള്ള ഒരു ഉപഭോക്താവ് ഡൊമിനോയുടെ ഔട്ട്ലെറ്റ് സന്ദര്ശിക്കുകയും തുടര്ന്ന് ഡൊമിനിക്സ് പിസ്സ ഔട്ട്ലെറ്റ് സന്ദര്ശിക്കുകയും ചെയ്താല് ഉല്പ്പന്നങ്ങളില് ആശയക്കുഴപ്പം ഉണ്ടാകാനുള്ള സാധ്യതയുണ്ടെന്ന് ജഡ്ജി അഭിപ്രായപ്പെട്ടു. ഡോമിനോസ് പിസ്സ ഉപയോഗിച്ചതിന് സമാനമായ അക്ഷരങ്ങള് ഉപയോഗിച്ച് ചതുരാകൃതിയിലുള്ള ഫോര്മാറ്റില് തന്നെയാണ് ഡൊമിനിക് പിസ്സ ലോഗോ തയ്യാറാക്കിയത്.
ഡൊമിനിക്ക് പിസ്സ അതിന്റെ ലോഗോയെ പ്രതിനിധീകരിക്കാൻ തിരഞ്ഞെടുത്ത രീതി ഈ സാധ്യത വർദ്ധിപ്പിക്കുമെന്ന് കോടതി പറഞ്ഞു. സമാനമായ പേര് ഉപയോഗിച്ചതിന് ഡൊമിനിക് പിസ്സയ്ക്കെതിരെ ഡൊമിനോസ് ഫയല് ചെയ്ത വ്യാപാരമുദ്രാ ലംഘന കേസ് പരിഗണിക്കുകയായിരുന്നു കോടതി.
ജന്മഭൂമി ഓണ്ലൈന്