ചെന്നൈ: ചാര്ജ് ചെയ്യുന്നതിനിടെ മൊബൈല് ഫോണ് പൊട്ടിത്തെറിച്ച് യുവതിക്ക് ദാരുണാന്ത്യം. തഞ്ചാവൂരിലെ കുംഭകോണത്താണ് സംഭവം. പ്രദേശത്ത് മൊബൈല് ഫോണുകളുടെയും വാച്ചുകളുടെയും റിപ്പയര് കട നടത്തിയിരുന്ന കോകില എന്ന യുവതിയാണ് മരിച്ചത്.
ചാര്ജ് ചെയ്തുകൊണ്ടിരുന്ന ഫോണില് ഹെഡ് സെറ്റ് കണക്ട് ചെയ്ത് സംസാരിക്കുന്നതിനിടെയാണ് പൊട്ടിത്തെറിച്ചതെന്നാണ് നിഗമനം. പൊട്ടിത്തെറിയില് കടയില് തീ പടരുകയും കോകിലയ്ക്കും ഗുരുതരമായി പൊള്ളലേല്ക്കുകയുമായിരുന്നു. പ്രദഗേശവാസികള് ഓടിയെത്തി തീയണച്ച് കോകിലയെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരണം സംഭവിച്ചു.
കഴിഞ്ഞയാഴ്ച മുംബൈയിലും ചാര്ജ് ചെയ്യവേ മൊബൈല് ഫോണിന് തീപിടിച്ച് സ്ഫോടനം നടന്നിരുന്നു. സംഭവത്തില് വീട് ഭാഗികമായി തകരുകയും മൂന്ന് പേര്ക്ക് ഗുരുതര പൊള്ളലേല്ക്കുകയും ചെയ്തിരുന്നു. വീട്ടില് മൊബൈല് ഫോണ് ചാര്ജ് ചെയ്യുന്നതിനിടെ തീപിടിക്കുകയും പൊട്ടിത്തെറിക്കുകയുമായിരുന്നു. ഫോണിനോട് ചേര്ന്ന് ഒരു ഡിയോഡറന്റ് കുപ്പി വെച്ചിരുന്നു. ഇതായിരിക്കാം വലിയ പൊട്ടിത്തെറിക്ക് കാരണമായതെന്നാണ് അനുമാനിക്കുന്നത്.
ജന്മഭൂമി ഓണ്ലൈന്