ബൈക്കുകൾ തമ്മിൽ കൂട്ടിയിടിച്ചുണ്ടായ അപകടത്തിൽ ഗുരുതരമായി പരിക്കേറ്റ വിദ്യാർത്ഥി മരിച്ചു

കോഴിക്കോട്: ബൈക്ക് അപകടത്തെ തുടർന്ന് ചികിത്സയിലായിരുന്ന പ്ലസ്ടൂ വിദ്യാർത്ഥി മരിച്ചു. ബേപ്പൂർ അരക്കിണർ സ്വദേശി ചാക്കേരിക്കാട് പറമ്പ് ബൈത്തുൽ റഹ്‌മയിൽ കെടി ജാഫറിന്റെ മകൻ കെടി ജിൻഷാദ് ആണ് മരിച്ചത്. ഞ്ചന്ത ഗവ. വൊക്കേഷണൽ ഹയർ സെക്കൻഡറി സ്‌കൂൾ പ്ലസ്ടൂ വിദ്യാർത്ഥിയാണ് ജിൻഷാദ്.

കഴിഞ്ഞ 22-ാം തീയതി രാവിലെയായിരുന്ന അപകടം. അരക്കിണർ റെയിൽവേ ലൈൻ റോഡിലായിരുന്നു സംഭവം. പിതാവിനൊപ്പം ബൈക്കിൽ യാത്ര ചെയ്യവെ മറ്റൊരു ബൈക്കുമായി കൂട്ടിയിടിക്കുകയായിരുന്നു. അപകടത്തിൽ ജിൻഷാദ് റോഡിലേക്ക് തലയിടിച്ച് വീണു. ഗുരുതര പരിക്കുകളോടെ ചികിത്സയിൽ കഴിയവെയാണ് മരിച്ചത്.