ചിറക്കടവ്: ചിറക്കടവ് പഞ്ചായത്ത് എട്ടാംവാര്ഡില് മണ്ണംപ്ലാവിന് സമീപമുള്ള അങ്കണവാടി, പകല്വീട് വളപ്പില് കൂട്ടിയിട്ടിരിക്കുന്ന മാലിന്യം നിറച്ച ചാക്കുകള് നീക്കം ചെയ്യാനുള്ള നടപടി സ്വീകരിക്കണമെന്ന് ബിജെപി കാഞ്ഞിരപ്പള്ളി നിയോജകമണ്ഡലം സെക്രട്ടറി ജി.ഹരിലാല് ആവശ്യപ്പെട്ടു. സാമൂഹിക രോഗങ്ങളില് നിന്ന് രക്ഷ നേടുക എന്ന ബോര്ഡിന്റെ അരികെയാണ് കുഞ്ഞു കുട്ടികള്ക്ക് സാംക്രമിക രോഗങ്ങള് കൈയ്യെത്തുന്ന അകലത്തില് നാളുകളായി വീടുകളില് നിന്ന് ശേഖരിച്ച മാലിന്യങ്ങള് കൂട്ടിയിട്ടിരിക്കുന്നത്. ഇവ നീക്കം ചെയ്യാന് പരിസരവാസികളും നാട്ടുകാരും നിരവധി തവണ ആവശ്യപ്പെട്ടെങ്കിലും അതിന് അധികൃതര് തയ്യാറായിട്ടില്ല.
കഴിഞ്ഞദിവസം ചിറക്കടവ് ഇരുപതാം വാര്ഡില് വീട്ടില്നിന്ന് ശേഖരിച്ച പ്ലാസ്റ്റിക് മാലിന്യങ്ങള് പൊതുസ്ഥലത്ത് കത്തിച്ച സംഭവവും ഉണ്ടായിട്ടുണ്ട്. പഞ്ചായത്തിന്റെ വിവിധ സ്ഥലങ്ങളില് ഇത്തരത്തില് മാലിന്യങ്ങള് കെട്ടിക്കിടക്കുന്നതായി ബിജെപി ആരോപിച്ചു. പഞ്ചായത്ത് മുന്കൈയെടുത്ത് മാലിന്യ സംസ്കരണത്തിനുള്ള നടപടി സ്വീകരിക്കണമെന്നും ജി.ഹരിലാല് ആവശ്യപ്പെട്ടു.
ജന്മഭൂമി ഓണ്ലൈന്