സതീഷിനെ വിജിലന്‍സ് സംഘം പിടികൂടിയപ്പോള്‍
ആലപ്പുഴ: വാഹനം ഓവര്‍ലോഡ് കയറ്റിയാല്‍ പിടികൂടാതിരിക്കാന്‍ കൈക്കൂലി വാങ്ങിയ ആര്‍ടിഒ ഉദ്യോഗസ്ഥന്‍ വിജിലന്‍സ് പിടിയില്‍. ഹരിപ്പാട് ഇന്റലിജന്‍സ് സ്‌ക്വാഡിലെ അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ എസ് സതീഷ്(37) ആണ് പിടിയിലായത്. ദേശീയ പാത നിര്‍മാണത്തിന്റെ ഉപകരാറുകാരനില്‍ നിന്ന് 25000 രൂപ വാങ്ങവേയാണ് വിജിലന്‍സ് ഇയാളെ പിടികൂടിയത്. ഔദ്യോഗിക വാഹനത്തില്‍, യൂണിഫോമിലെത്തി കൈക്കൂലി വാങ്ങുന്നതിനിടെയാണ് കുടുങ്ങിയത്. ഒരു മാസത്തേക്ക് ഇയാളുടെ വാഹനം ഓവര്‍ലോഡ് കയറ്റിയാല്‍ പിടികൂടാതിരിക്കാനായിരുന്നു കൈക്കൂലി. 30000 രൂപയാണ് ഇയാള്‍ ആവശ്യപ്പെട്ടത്. ഹരിപ്പാട് മാധവ ജംഗ്ഷന് സമീപം വച്ച് പണം കൈമാറിയയുടന്‍ വിജിലന്‍സ് പിടികൂടുകയായിരുന്നു.കഴിഞ്ഞ ദിവസം കരാറുകാരന്റെ രണ്ട് വാഹനങ്ങള്‍ പിടികൂടി 20000 രൂപ പിഴയിട്ടിരുന്നു. ഇതിന് ശേഷമാണ് കൈക്കൂലി ചോദിച്ചത്.
പ്രതികരിക്കാൻ ഇവിടെ എഴുതുക