ദോഹയ്‌ക്കിപ്പോള്‍ വര്‍ണക്കാഴ്ചകളുടെ സൗന്ദര്യമാണ്. പല രാജ്യങ്ങളുടെ… സംസ്‌കാരങ്ങളുടെ നിറങ്ങളാല്‍ പൂത്തുലഞ്ഞു നില്‍ക്കുന്നു ഈ നഗരം. ആ വര്‍ണക്കാഴ്ചയില്‍ തലയെടുപ്പോടെ ഒന്നുണ്ട്… ടോര്‍ച്ച് ടവര്‍.
2006ലെ ഏഷ്യന്‍ ഗെയിംസിന് പ്രധാന വേദിയായ ഖലീഫ ഇന്റര്‍നാഷണല്‍ സ്റ്റേഡിയത്തിനു സമീപാണ് ഈ ടോര്‍ച്ച് ടവര്‍. ആ ഏഷ്യന്‍ ഗെയിംസിന്റെ ദീപശിഖ വാനിലുയര്‍ന്നു കാണുന്നതിനായി നിര്‍മ്മിച്ച അംബരചുംബിയായ സ്തൂപം. ഗെയിംസ് കഴിഞ്ഞ് വര്‍ഷം 16 വര്‍ഷമായിട്ടും ഈ ടോര്‍ച്ച് ടവര്‍ സന്ദര്‍ശകരുടെ മനംകുളിര്‍പ്പിക്കുന്നു.
ദോഹ നഗരത്തില്‍ നിന്ന് 21 കിലോമീറ്റര്‍ അകലെയാണ് ഈ സ്റ്റേഡിയവും ടോര്‍ച്ച് ടവറും. രാത്രിയിലാണ് ടവറിന്റെ ഭംഗി പൂര്‍ണമായി ആസ്വദിക്കാനാകുക. ലോകകപ്പ് പ്രമാണിച്ച് എല്ലാ സ്റ്റേഡിയങ്ങളും ദീപപ്രഭയില്‍ തിളങ്ങുന്നു. അതുപോലെ ദീപാലംകൃതമാണ് ഈ ടവറും. 17.5 കോടി ഡോളര്‍ ചിലവിട്ട് 300 മീറ്റര്‍ ഉയരത്തില്‍ (51 നില) നിര്‍മ്മിച്ചതാണ് ടവര്‍. ഇതുപോലെയാണ് ഖത്തറിലെ പല പഴയകാല നിര്‍മ്മിതിയും.
ഏറെ പഴക്കമുള്ള ഇത്തരം നിര്‍മ്മിതികള്‍ തനിമ ചോരാതെ സംരക്ഷിക്കുന്നതില്‍ ഖത്തര്‍ ഭരണകൂടം കാണിക്കുന്ന താല്‍പ്പര്യം പ്രശംസനീയം.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: