പി.കെ. സദാശിവന്‍പിള്ള
മേടക്കൂറ്: അശ്വതി, ഭരണി, കാര്‍ത്തിക (1/4)
ജോലിയില്‍ പ്രമോഷന്‍ വന്നുചേരും. കോടതിവിധികള്‍ അനുകൂലമായിത്തീരും. അനാവശ്യകാര്യങ്ങള്‍ ചിന്തിച്ച് മനസ്സ് അസ്വസ്ഥമാകും. പൂര്‍വികസ്വത്ത് അധീനതയില്‍ വരും. സഹോദരങ്ങളുമായി അഭിപ്രായഭിന്നത വന്നുചേരും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
കാര്യതടസ്സം നീങ്ങുകയും പ്രവര്‍ത്തനവിജയം ഏറെക്കുറെ കൈവരിക്കുകയും ചെയ്യും. സന്താനസൗഖ്യം അനുഭവപ്പെടും. ഗൃഹനിര്‍മാണ കാര്യങ്ങള്‍ക്ക് താല്‍ക്കാലികമായ തടസ്സം അനുഭവപ്പെടും. ഔദ്യോഗികമായ സ്ഥാനക്കയറ്റവും സ്ഥലംമാറ്റവും ഉണ്ടാകാനിടയുണ്ട്.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
തന്റെ അധീനതയിലുള്ള വിലപ്പെട്ട രേഖകള്‍ മറ്റുള്ളവര്‍ തട്ടിയെടുത്തേക്കാം. സമീപത്ത് താമസിക്കുന്നവരില്‍നിന്ന് പ്രതികൂല പ്രതികരണമുണ്ടാകും. വിദ്യാര്‍ത്ഥികള്‍ മെച്ചപ്പെട്ട വിജയം കൈവരിക്കും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
ഷെയര്‍ ബിസിനസ്സിലും വസ്തു സംബന്ധമായ ബിസിനസ്സിലും അനുകൂലമായ ഫലം പ്രതീക്ഷിക്കാം. ദൂരയാത്രകള്‍ ആവശ്യമായിവരികയും സ്വജനങ്ങളില്‍നിന്ന് അകന്നുകഴിയേണ്ടതായിവരികയും ചെയ്യും. ആത്മീയകാര്യങ്ങളില്‍ താല്‍പര്യം വര്‍ധിക്കും.
ചിങ്ങക്കൂറ്: മകം, പൂരം, ഉത്രം (1/4)
അനാദരവുണ്ടാക്കുന്ന പരിതസ്ഥിതികളെ അതിജീവിക്കാന്‍ കഴിയും. വ്യാപാരത്തില്‍ ചില പരിഷ്‌കാരങ്ങള്‍ വരുത്തുകയും ഒന്നിലധികം ജോലികള്‍ ഒരേസമയത്ത് ചെയ്യുന്നതുമാണ്. ആഭരണവും പണവും കൈമോശം വരാന്‍ സാധ്യതയുണ്ട്.
കന്നിക്കൂറ്: ഉത്രം (3/4), അത്തം, ചിത്തിര (1/2)
തീര്‍ത്ഥയാത്രകള്‍ക്ക് അവസരം ലഭിക്കും. സ്വന്തം പരിമിതികളെ അറിഞ്ഞു പ്രവര്‍ത്തിക്കുന്നതിനാല്‍ കാര്യതടസങ്ങളോ പരാജയമോ നിരാശപ്പെടുത്തുകയില്ല. വിവാഹകാര്യങ്ങള്‍ക്കു കാലതാമസമുണ്ടാകും. സന്താനസുഖം അനുഭവപ്പെടും.
തുലാക്കൂറ്: ചിത്തിര (1/2), ചോതി, വിശാഖം (3/4)
തൊഴില്‍രംഗം അഭിവൃദ്ധിപ്പെടും. മനസ്സിനെ ശല്യപ്പെടുത്തുന്ന ലോണുകള്‍ തിരിച്ചടയ്‌ക്കാനോ കുടുംബത്തിലെ വാക്കുതര്‍ക്കം തീര്‍ക്കാനോ ശ്രമിക്കുന്നതാണ്. പദവിയും അന്തസ്സും ഉയരും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
പുണ്യക്ഷേത്രങ്ങള്‍ സന്ദര്‍ശിക്കാനവസരമുണ്ടാകും. ആത്മീയകാര്യങ്ങളില്‍ കൂടുതല്‍ ശ്രദ്ധ പതിപ്പിക്കും. പുതിയ സംരംഭങ്ങള്‍ തുടങ്ങാന്‍ പറ്റിയ സമയമല്ല. മത്സരപരീക്ഷകളില്‍ ഉന്നതവിജയം കൈവരിക്കും.
ധനുക്കൂറ്: മൂലം, പൂരാടം, ഉത്രാടം (1/4)
പുതിയ ബിസിനസില്‍ പണം മുടക്കും. സമൂഹത്തില്‍ മറ്റുള്ളവരുടെ അഭിനന്ദനത്തിന് പാത്രമാവും. വിദേശത്തുനിന്ന് നാട്ടിലേക്ക് മടങ്ങാനുദ്ദേശിക്കുന്നവര്‍ക്ക് ചില്ലറ തടസ്സങ്ങള്‍ നേരിടേണ്ടിവരും. പൂര്‍വികമായ ചില സ്മാരകവസ്തുക്കള്‍ കൈവശം വന്നുചേരും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
സിനിമ, നാടകം തുടങ്ങിയ മേഖലകളില്‍ പ്രവര്‍ത്തിക്കുന്നവര്‍ക്ക് അനുകൂല സമയമാണ്. ദൂരയാത്രകള്‍ക്ക് ഉദ്ദേശിച്ച ഫലങ്ങള്‍ ലഭിക്കും. വഞ്ചിക്കപ്പെടാതിരിക്കാന്‍ പ്രത്യേകം ശ്രദ്ധിക്കണം.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
വിശേഷപ്പെട്ട വസ്തുക്കള്‍ വാങ്ങുന്നതിനും, വസ്തുവകകള്‍ ലഭിക്കുന്നതിനും ഇടയാകും. ഏറ്റെടുക്കുന്ന കാര്യങ്ങള്‍ വിജയകരമായി ചെയ്തുതീര്‍ക്കുവാന്‍ കഴിയും. സന്താനസുഖം അനുഭവപ്പെടും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
എഴുത്തുകള്‍ മുഖേനയോ വ്യാപാരങ്ങള്‍ മുഖേനയോ സാധാരണയിലധികം പണം വന്നുചേരും. സാവകാശത്തിലാണെങ്കിലും കുടുംബഭരണത്തില്‍ നായകത്വം കൈവരും. പുതിയ കരാറുകള്‍ ഏറ്റെടുക്കും. മനസ്സിന് ക്ലേശമുണ്ടാക്കുന്ന വാര്‍ത്തകള്‍ കേള്‍ക്കാനിടവരും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: