ന്യൂദല്ഹി: അട്ടപ്പാടിയുടെ സ്നേഹോപഹാരത്തിന് നന്ദി പ്രകടിപ്പിച്ച് കേന്ദ്രമന്ത്രി ഡോ. എല്. മുരുകന്. പ്രകൃതിയോട് ഇണങ്ങി ജീവിക്കുന്ന ആദിവാസികളുടെ ദിനം ആഘോഷിക്കുന്ന ഈ ദിനത്തില് കേരളത്തിലെ അട്ടപ്പാടി മേഖലയിലെ ഗോത്ര കലാകാരന്മാര്ക്ക് വേണ്ടി മലയാള ചലച്ചിത്ര സംവിധായകന് വിജീഷ് മണി നല്കിയ അട്ടപ്പാടിയുടെ സ്നേഹോപഹാരം എനിക്ക് ലഭിച്ചു. കേന്ദ്ര മന്ത്രി ഡോ. എല്. മുരുകന് ട്വീറ്ററില് കുറിച്ചു.
അട്ടപ്പാടിയിലെ ആദിവാസി ഭാഷകളില് ( ഇരുള, കുറുമ്പ, മുഡുക) സിനിമകള് ചെയ്ത സംവിധായകന് വിജീഷ് മണിയാണ് വട്ലക്കി കോപ്റേറ്റീവ് ഫാമിങ് സൊസൈറ്റി യിലെ ഗോത്രകലാകാരന്കാരുടെ സൃഷ്ടി, ലോക ആദിവാസിദിനത്തില് ദല്ഹിയില് എത്തി മന്ത്രിക്ക് നല്കിയത്. സെപ്റ്റംബറില് അട്ടപ്പാടിയില് നടത്തുന്ന ലോകത്തിലെ ആദ്യത്തെ ഗോത്രഭാഷ ചലച്ചിത്രമേളയുടെ ഫെസ്റ്റിവെല് ഡയറക്ടറും വിജീഷ് മണിയാണ്.
