കൊച്ചി മെട്രോയുടെ തൂണുകള്‍ക്ക് താഴെ കഞ്ചാവ് ചെടി വളര്‍ത്തല്‍; പോലീസ് അന്വേഷണം ആരംഭിച്ചു

കൊച്ചി: കൊച്ചി മെട്രോയുടെ തൂണുകള്‍ക്ക് താഴെ കഞ്ചാവു ചെടികള്‍ വളര്‍ത്തിയതായി കണ്ടെത്തി. പാലാരിവട്ടം ട്രാഫിക് സിഗ്‌നലിന് സമീപത്ത് 516-517 നമ്പര്‍ തൂണുകള്‍ക്കിടയിലാണ് കഞ്ചാവ് ചെടികള്‍ കണ്ടെത്തിയത്. ഈ തൂണുകള്‍ക്ക് താഴെചെടികള്‍ നട്ട് പരിപാലിക്കാന്‍ കൊച്ചി മെട്രോ റെയില്‍ അനുവദിച്ചിരുന്നു. Â

എക്‌സൈസ് ഉദ്യോഗസ്ഥര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ Â രാത്രി നടത്തിയ പരിശോധനയിലാണ് കഞ്ചാവ് ചെടി കണ്ടെത്തിയത്. ഏകദേശം നാലുമാസം പ്രായം വരുന്ന ചെടിയാണ് കണ്ടെത്തിയത്. 130 സെന്റിമീറ്ററോളം ഉയരവും 31 ശിഖരങ്ങളും ചെടിക്കുണ്ടായിരുന്നു. രാജമല്ലി ചെടികള്‍ക്കിടയിലാണ് കഞ്ചാവ് ചെടികള്‍ നട്ടുവളര്‍ത്തിയത്. സംഭവത്തില്‍ കേസെടുത്ത് അന്വേഷണം ആരംഭിച്ചു.