കോഴിക്കോട്: കോടഞ്ചേരിയിലെ മര്‍ക്കസ് നോളജ് സിറ്റി കേരള താലിബാന്റെ ആസ്ഥാനമാക്കാനുള്ള നീക്കമാണ് ഇടതുപക്ഷസര്‍ക്കാരിന്റെ സഹായത്തോടെ നടക്കുന്നതെന്ന് യുവമോര്‍ച്ച സംസ്ഥാന ജനറല്‍ സെക്രട്ടറി കെ. ഗണേഷ് പറഞ്ഞു.
തോട്ടം ഭൂമി തരംമാറ്റി അനധികൃത കെട്ടിട നിര്‍മ്മാണം പഞ്ചായത്തിന്റെ അനുമതി ഇല്ലാതെയാണ് നടക്കുന്നത്. സാധാരണക്കാരന്‍ ഭൂമിതരം മാറ്റി കിട്ടാന്‍ ആത്മഹത്യ ചെയ്യുന്ന നാട്ടിലാണ് ഏക്കര്‍ കണക്കിന് ഭൂമി അനധികൃതമായി തരംമാറ്റി കെട്ടിടനിര്‍മ്മാണം നടത്തുന്നത്. കേരളത്തില്‍ വളര്‍ന്ന് വരുന്ന ഇസ്ലാമിക തീവ്രവാദത്തിന് കേന്ദ്രമൊരുക്കുന്ന പിണറായി വിജയന്‍ താലിബാന്റെ ഏജന്റായാണ് പ്രവര്‍ത്തിക്കുന്നത്. ഇതിനെതിരെ നിയമപരമായും ബഹുജനങ്ങളെ സംഘടിപ്പിച്ചും യുവമോര്‍ച്ച പ്രക്ഷോഭം ശക്തമാക്കുമെന്ന് സ്ഥലം സന്ദര്‍ശിച്ച കെ. ഗണേഷ് മുന്നറിയിപ്പ് നല്‍കി.
യുവമോര്‍ച്ച സംസ്ഥാന സമിതി അംഗം ലിബിന്‍ ബാലുശ്ശേരി, ജില്ലാ സെക്രട്ടറി മനു മോഹന്‍, മണ്ഡലം പ്രസിഡന്റ് വിപിന്‍ ദാസ്, ശശി അടിവാരം, മോഹനന്‍ കോടഞ്ചേരി, യുവമോര്‍ച്ച മണ്ഡലം ജനറല്‍ സെക്രട്ടറി വിഷ്ണു, പ്രവീണ്‍ പുതിയോട്ടില്‍ തുടങ്ങിയവരും ഉണ്ടായിരുന്നു.
പ്രതികരിക്കാൻ ഇവിടെ എഴുതുക