തിരുവനന്തപുരം: മതപരമായ കാരണത്താല്‍ വാക്സിനെടുക്കാത്ത അധ്യാപകരുടെ മാത്രമല്ല, മറ്റുദ്യോഗസ്ഥരുടെയും വിവരങ്ങള്‍ സര്‍ക്കാര്‍ പുറത്തുവിടണമെന്ന് ബിജെപി സംസ്ഥാന വക്താവ് സന്ദീപ് വാചസ്പതി. ഇക്കാരണത്താല്‍ അധ്യാപകര്‍ക്ക് മാത്രമല്ല മറ്റു ഉദ്യോഗസ്ഥര്‍ക്കെതിരെയും നടപടി വേണമെന്നും അദ്ദേഹം ആവശ്യപ്പെട്ടു. ഫേസ്ബുക്കില്‍ പങ്കുവെച്ച കുറിപ്പിലൂടെയാണ് സന്ദീപ് വാചസ്പതിയുടെ പ്രതികരണം.
സന്ദീപ് വാചസ്പതിയുടെ ഫേസ്ബുക്ക് പോസ്റ്റിന്റെ പൂര്‍ണ്ണ രൂപം:
മതപരമായ കാരണത്താൽ വാക്സിൻ എടുക്കാത്ത അദ്ധ്യാപകരുടെ വിവരങ്ങൾ മാത്രം പുറത്തു വന്നാൽ മതിയോ? ഇതേ മതം മൂലം വാക്സിൻ എടുക്കാത്ത മറ്റ്‌ ഉദ്യോഗസ്ഥരും ഉണ്ടാവില്ലേ? അവരും സമൂഹത്തിൽ ഇടപഴകുന്നില്ലേ? അവരിൽ പൊലീസുകാർ, കെഎസ്ആർടിസി ജീവനക്കാർ, ബാങ്ക് ജീവനക്കാർ തുടങ്ങി സർക്കാർ, സ്വകാര്യ മേഖലകളിൽ എല്ലാം ഉള്ളവർ ഉണ്ടാവില്ലേ? ഇവർ ജനങ്ങളുമായി സമ്പർക്കത്തിൽ അല്ലേ?
സംസ്ഥാനത്ത് മതപരമായ കാരണങ്ങളാൽ കോവിഡ് വാക്സിൻ എടുക്കാൻ തയ്യാറാകാത്ത മുഴുവൻ ഉദ്യോഗസ്ഥരുടെയും പേര് വിവരങ്ങൾ പുറത്തു വിടാൻ സർക്കാർ തയ്യാറാകണം. മതപരമായ കാരണത്താൽ വാക്സിൻ വേണ്ടെന്ന് വെക്കാൻ ഇവർക്ക് അവകാശം ഉള്ളത് പോലെ സുരക്ഷാ കാരണങ്ങളാൽ ഇവരുമായി ഇടപഴകാൻ കഴിയില്ല എന്ന് തീരുമാനിക്കാൻ സാധാരണ ജനങ്ങൾക്കും അവകാശം ഉണ്ട്. അത് സർക്കാർ നിഷേധിക്കരുത്.
പ്രതികരിക്കാൻ ഇവിടെ എഴുതുക