മൗണ്ട് മൗന്‍ഗാനൂയി: മെഗ് ലാനിങ് ക്യാപ്റ്റനായ ഓസീസ് വനിതാ ക്രിക്കറ്റ് ടീമിന് ലോക റെക്കോഡ്. ഏകദിന ക്രിക്കറ്റില്‍ തുടര്‍ച്ചയായി ഏറ്റവും കൂടുതല്‍ വിജയങ്ങള്‍ നേടുന്ന ടീമായി. ന്യൂസിലന്‍ഡിനെതിരായ പരമ്പരയിലെ ആദ്യ മത്സരത്തില്‍ ആറു വിക്കറ്റ് വിജയം നേടിയതോടെയാണ് ഓസീസ് ടീം ലോക റെക്കോഡിട്ടത്. ഓസീസ് ടീമിന്റെ തുടര്‍ച്ചയായ ഇരുപത്തിരണ്ടാം വിജയമാണിത്. ഇതോടെ റിക്കി പോണ്ടിങ്ങിന്റെ ഓസീസ് പുരുഷ ടീം 2003 ല്‍ സ്ഥാപിച്ച തുടര്‍ച്ചയായ 21 വിജയങ്ങളുടെ റെക്കോഡ് വഴിമാറി.
2018 മാര്‍ച്ച് 12 മുതല്‍ ഓസീസ് വനിതാ ടീം ഏകദിന മത്സരങ്ങളില്‍ തോല്‍വിയറിയാതെ കുതിക്കുകയാണ്. ഇന്ത്യക്കെതിരായ പരമ്പര 3-0 ന് നേടി. തുടര്‍ന്ന് പാക്കിസ്ഥാന്‍, ന്യൂസിലന്‍ഡ്, ഇംഗ്ലണ്ട്, വെസ്റ്റ് ഇന്‍ഡീസ്, ശ്രീലങ്ക, ന്യൂസിന്‍ഡ് എന്നീ ടീമുകള്‍ക്കെതിരായ പരമ്പരകളും 3- 0 ന് സ്വന്തമാക്കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: