ന്യുദല്‍ഹി: ആശുപത്രികള്‍, മെഡിക്കല്‍ ഉപകരണങ്ങള്‍, ആരോഗ്യ ഇന്‍ഷുറന്‍സ്, ടെലിമെഡിസിന്‍, ഭവന ആരോഗ്യസുരക്ഷ, ആരോഗ്യ മേഖലയുമായി ബന്ധപ്പെട്ട യാത്ര തുടങ്ങി ആരോഗ്യ സുരക്ഷാ മേഖലയുമായി ബന്ധപ്പെട്ട വിവിധ മേഖലകളിലെ നിക്ഷേപ അവസരങ്ങളെ കുറിച്ചുള്ള റിപ്പോര്‍ട്ട് ഇന്ന് നീതിആയോഗ് പ്രസിദ്ധീകരിച്ചു. നീതി ആയോഗ് സി.ഇ.ഒ. അമിതാഭ് കാന്ത്, അഡീഷണല്‍ സെക്രട്ടറി ഡോ. രാജേഷ് സര്‍വാള്‍, അംഗം ഡോ. വി കെ പോള്‍ എന്നിവര്‍ ചേര്‍ന്നാണ് റിപ്പോര്‍ട്ട് പ്രകാശനം ചെയ്തത്.
2016 മുതല്‍ ഇന്ത്യയുടെ ആരോഗ്യസുരക്ഷാ വ്യവസായരംഗത്ത് 22 ശതമാനത്തിന്റെ വാര്‍ഷിക വളര്‍ച്ച നിരക്ക് കാണാനാകും. ഈ നിരക്കില്‍, 2022 ഓടെ ഇത് 372 ശതകോടി യുഎസ് ഡോളര്‍ ആകും എന്നാണ് പ്രതീക്ഷിക്കപ്പെടുന്നത്. വരുമാനത്തിന്റെയും തൊഴിലിന്റെയും കാര്യത്തില്‍ ഇന്ത്യയിലെ സാമ്പത്തിക രംഗത്തെ ഏറ്റവും വലിയ മേഖലയായി ആരോഗ്യസുരക്ഷ രംഗം മാറിയിരിക്കുന്നു.
വൃദ്ധരുടെ ജനസംഖ്യ അനുപാതം, വളരുന്ന മധ്യവര്‍ഗ്ഗം, ഉയരുന്ന ജീവിതശൈലി രോഗങ്ങള്‍, പൊതുസ്വകാര്യ പങ്കാളിത്തത്തിന്റെ ഉയര്‍ന്നതോതിലുള്ള ആവശ്യകത, ഡിജിറ്റല്‍ സാങ്കേതികവിദ്യയുടെ വര്‍ധിച്ച തോതിലുള്ള സ്വകാര്യത തുടങ്ങി നിരവധി ഘടകങ്ങള്‍ ഇന്ത്യയുടെ ആരോഗ്യസുരക്ഷാ മേഖലയുടെ വളര്‍ച്ചയെ സ്വാധീനിക്കുന്നുണ്ട്. കോവിഡ്19 മഹാമാരി ഇന്ത്യയ്‌ക്ക് വെല്ലുവിളികള്‍ മാത്രമല്ല മറിച്ച് വളരുന്നതിനുള്ള നിരവധി അവസരങ്ങളും നല്‍കിയിട്ടുണ്ട്. ഈ ഘടകങ്ങളെല്ലാം ചേര്‍ന്ന് ഇന്ത്യയുടെ ആരോഗ്യ വ്യവസായ രംഗം നിക്ഷേപത്തിനായി സജ്ജമാക്കിയിരിക്കുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: