മലയാളികളുടെ ഹൃദയരാഗമായി മാറിയ ‘അല്ലിയാമ്പല് കടവിലന്നരയ്ക്കു വെള്ളം’ എന്ന ഗാനം പാടി നമ്മെ വിസ്മയിപ്പിച്ച അനശ്വര സംഗീതജ്ഞന് ജോബ് മാസ്റ്ററുടെ മകനും ശ്രദ്ധേയനായ സംഗീത സംവിധായകനുമായ അജയ് ജോസഫ് സിനിമാ സംഗീത രംഗത്തേക്ക്. അജയ് ജോസഫ് സിനിമയ്ക്ക് വേണ്ടി ആദ്യമായി ഒരുക്കിയ കല്ക്കണ്ടം എന്ന ചിത്രത്തിലെ രണ്ട് ഗാനങ്ങളുടെ റെക്കോര്ഡിംഗ് കഴിഞ്ഞു. റിലീസ് ഉടനെ നടക്കും.
ഫുള്മാര്ക്ക് സിനിമാസിന്റെ ബാനറില് നവാഗതനായ പ്രദീപ് നാരായണന് സംവിധാനം ചെയ്യുന്ന കല്ക്കണ്ടത്തിലെ പ്രമുഖ ഗാനരചയിതാവ് റഫീക്ക് അഹമ്മദ് എഴുതിയ ‘ആലിന്കൊമ്പില് കുടമണി കെട്ടിയ നാടോടിക്കാറ്റേ’ എന്ന ഗാനം ആലപിച്ചത് പ്രശസ്ത ഗായകനും മികച്ച ഗായകനുള്ള സംസ്ഥാന ചലച്ചിത്ര പുരസ്കാരം നേടിയ നജീം അര്ഷാദാണ്. പത്രപ്രവര്ത്തകനും നവാഗത ഗാനരചയിതാവുമായ ഷംസുദ്ദീന് കുട്ടോത്ത് എഴുതിയ ‘പായുന്നു മേഘം മേലേ ഓര്മ്മകള് പോലെ’ എന്ന ഗാനം ആലപിച്ചത് പ്രശസ്ത ഗായകന് അഭിജിത്ത് കൊല്ലവുമാണ്.
ജന്മഭൂമി ഓണ്ലൈന്