തൃശൂര്‍: പുതുക്കാട് വരന്തരപ്പിള്ളിയില്‍ വീട്ടില്‍ നിന്ന് നാടന്‍ തോക്കും വെടിമരുന്നും പിടികൂടിയ സംഭവത്തില്‍ ഒളിവിലായിരുന്ന പ്രതി അറസ്റ്റില്‍. ശിവജിനഗര്‍ വെട്ടിയാട്ടില്‍ ജയദേവകൃഷ്ണനെ(33)യാണ് വരന്തരപ്പിള്ളി പോലീസ് പിടികൂടിയത്. കഴിഞ്ഞ മെയ് മാസത്തിലായിരുന്നു കേസിനാസ്പദമായ സംഭവം. വാറ്റുചാരായവും തോക്കും വെടിമരുന്നും പ്രതിയുടെ വീട്ടില്‍നിന്ന് പിടികൂടുകയായിരുന്നു.
കൂട്ടുപ്രതിയായ ശ്യാം മോഹനെ സംഭവസ്ഥലത്തു നിന്നുതന്നെ അറസ്റ്റ് ചെയ്തിരുന്നു. പോലീസ് സ്ഥലത്തെത്തിയതറിഞ്ഞ് ജയദേവകൃഷ്ണന്‍ ഓടി രക്ഷപ്പെടുകയായിരുന്നു. ഒളിവില്‍ കഴിയുകയായിരുന്ന ഇയാള്‍ ജാമ്യത്തിന് ശ്രമിച്ചെങ്കിലും കോടതി അനുവദിച്ചില്ല. വരന്തരപ്പിള്ളി എസ്.എച്ച്.ഒ. എസ്. ജയകൃഷ്ണന്റെ നേതൃത്വത്തില്‍ പ്രത്യേക സ്‌ക്വാഡ് രൂപീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്.
പ്രതികരിക്കാൻ ഇവിടെ എഴുതുക