വൈരുദ്ധ്യാത്മകതയില് ഭൗതികവാദം ചാലിച്ച് കാര്യം നേടണമെന്ന പോളിറ്റ്ബ്യൂറോയുടെ തിസീസ് നിങ്ങള്ക്ക് മനസ്സിലാകാത്തത്കൊണ്ടാണ്. മാഫിയാപ്രവര്ത്തനമാണ് ലഹരിക്കടത്തും സ്വര്ണ്ണക്കടത്തെന്നും ആരെങ്കിലും പറയുന്നുണ്ടെങ്കില് അത് വൈരൂദ്ധ്യാത്മ ഭൗതികവാദം എന്തെന്ന് അറിയാത്തത് കൊണ്ടാണ്. നിഷ്ക്കളങ്കര് മാത്രമായ പോളിറ്റ്ബ്യൂറോയേയും അതിലും നിഷ്ക്കളങ്കരായ കേന്ദ്രകമ്മറ്റിക്കാരേയും നിഷ്ക്കളങ്കരില് നിഷ്ക്കളങ്കരായ സംസ്ഥാന കമ്മറ്റിക്കാരേയും അതിന് കുറ്റം പറയരുത്. ഏതൊരു വഴിയിലൂടെയാണ് വിപ്ലവം ഇങ്ങെത്തുകയെന്ന് നിങ്ങള്ക്ക് വശമില്ല. തൊഴിലാളിവര്ഗ പാര്ട്ടിയുടെ അമരത്തുള്ളവര് കട്ടന്ചായയും പരിപ്പ്വടയും കഴിച്ചാല് വിപ്ലവം വരില്ല. അതിന് ആഴ്ച്ചയില് ഒന്നുരണ്ടു തവണയെങ്കിലും ഫൈവ് സ്റ്റാറുകളില് കയറി മിനുങ്ങുകയെന്നത് അതിപ്രധാനമാണ്. ഇതിന് ചില്ലറ മാത്രം കയ്യിലുണ്ടായാല് പോര. ഇതിന്റെ ചുമതല നേതാക്കളുടെ മക്കള്ക്കാണ് പാര്ട്ടി നിശ്ചയിച്ചിരിക്കുന്നത്. വിപ്ലവം അവരുടെ കാര്മ്മികത്വത്തിലാണ് ഇനിയുള്ളകാലം നടക്കുക, അങ്ങിനെയാണ് നടക്കേണ്ടതും. പാര്ട്ടിയണികള്ക്ക് ലഘുലേഖ വിതരണവും റോഡില് മുദ്രാവാക്ക്യം അലറാനുമുള്ള ചുമതലയാണ് പാര്ട്ടി പ്ലീനം ചേര്ന്ന് നല്കിയിട്ടുണ്ട്. തെരഞ്ഞെടുപ്പുകളിലാണ് അവര് കഴിവു തെളിയിക്കേണ്ടത്.
ഇതിനവര്ക്ക് നേതൃത്വം കണ്ടറിഞ്ഞ് വല്ലതും കൊടുക്കും. പാര്ട്ടി നേതൃത്വങ്ങളെ ജയിപ്പിച്ച് ഭരണക്കസേരയിലിരുത്തിയാല് പിന്നെ അണികളെകൊണ്ട് ആവശ്യം തുടര്ന്നുള്ള തെരഞ്ഞെടുപ്പില് മാത്രമാണ്. ഭരണത്തിലേറിയാല് ഭാരിച്ച വിപഌവ പാത കസേരകളിലേറിയവരുടെ മക്കള് ഏറ്റെടുക്കും. അവര് പഞ്ചനക്ഷത്ര ഹോട്ടലുകളിലും നൈറ്റ് പാര്ട്ടികളിലും ഒത്തുകൂടി വിപ്ലവപാതയിലൂടെ മുന്നോട്ട് കുതിക്കും. വൈരുദ്ധ്യാത്മകതയെ ലഹരിയില് ചാലിച്ച് അവര് ഭൗതിക സ്വര്ണ്ണം കടത്തി പാര്ട്ടിക്കും പാര്ട്ടിവിപ്ലവത്തിനും മുതല്കൂട്ടാക്കും. വര്ഗ്ഗശത്രുക്കള് ഇതിനെ എതിര്ക്കും. കാരണം അവര് വിപ്ലവം എന്തെന്നറിയാത്തവരാണ്. വിപ്ലവം ഏതുവഴി വരുമെന്നറിയാതെ ഉഴലുന്ന അണികളാണ് ഇതിന് പോളിറ്റ്ബ്യൂറോയുടെ കരുത്ത്. 9446305898
ജന്മഭൂമി ഓണ്ലൈന്