കുവൈറ്റ് സിറ്റി: ഇന്ന് കുവൈറ്റില്‍ ഇന്ന് 668 പേര്‍ക്ക് കൊറോണ സ്ഥിരീകരിച്ചു. കഴിഞ്ഞ 24 മണിക്കൂറിനിടയില്‍ 3,658 സാന്പിളുകളില്‍ ആരോഗ്യമന്ത്രാലയം നടത്തിയ പരിശോധനയിലാണ് രോഗബാധിതരെ സ്ഥിരീകരിച്ചത്. രോഗബാധയേറ്റ് വിവിധ ആശുപത്രികളില്‍ ചികിത്സയിലായിരുന്ന നാല് പേരാണ് മരിച്ചത്. ഇതോടെ കുവൈറ്റി കുവൈറ്റിലെ ആകെ കൊറോണ മരണസംഖ്യ 486 ആയിയെന്ന് ആരോഗ്യമന്ത്രാലയ വക്താവ് അബ്ദുള്ള അല്‍ സനദ് പറഞ്ഞു.
ഇന്ന് രോഗം സ്ഥിരീകരിച്ചതില്‍ 432 പേര്‍ കുവൈറ്റ് സ്വദേശികളാണ്. ചികിത്സയിലായിരുന്ന 731 പേരാണ് രോഗംഭേദമായി ആശുപത്രിവിട്ടത്. ചികിത്സയില്‍ തുടരുന്ന 7,823 പേരില്‍ 110 പേരുടെ നില അതീവ ഗുരുതരമാണെന്നും ആരോഗ്യ മന്ത്രാലയ വക്താവ് അറിയിച്ചു.
ഇന്ന് ഏറ്റവും കൂടുതല്‍ രോഗബാധ സ്ഥിരീകരിച്ചത് 210 പേരില്‍ അഹമ്മദയില്‍ നിന്നുമാണ്. ആരോഗ്യമേഖല തിരിച്ച് ഹവല്ലിയില്‍ നിന്നും 121 പേരും 119 പേരെ ജഹ്‌റയില്‍ നിന്നും ഫര്‍വാനിയയില്‍ നിന്നും 112 പേരും ക്യാപിറ്റല്‍ ഗവര്‍ണറേറ്റില്‍ നിന്നും 106 കേസുകളുമാണ് സ്ഥിരീകരിച്ചത്. രാജ്യത്ത് ഇതുവരെ 5,39,461 പേരെ വൈറസ് പരിശോധനക്ക് വിധേയരാക്കിയതില്‍ 73,068 പേര്‍ക്കാണ് ആകെ രോഗം സ്ഥിരീകരിച്ചത്. ഇതില്‍ 64,759 പേര്‍ക്ക് രോഗമുക്തി നേടിയെന്നും അദ്ദേഹം വ്യക്തമാക്കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: