കരുനാഗപ്പള്ളി: വില്പനയ്‌ക്കായി കടത്തിക്കൊണ്ടുവന്ന മൂന്നുകിലോ കഞ്ചാവുമായി യുവാവ് അറസ്റ്റില്‍. കരുനാഗപ്പള്ളി കുറ്റിവട്ടം പടയന്നാര്‍കാവ് അമ്പലത്തിനു സമീപം രേവതി ഹൗസില്‍ നിഥിനെ(30)യാണ് കൊല്ലം എക്സൈസ് സ്പെഷ്യല്‍ സ്‌ക്വാഡ് സിഐ ഐ. നൗഷാദും സംഘവും അറസ്റ്റ് ചെയ്തത്.
എറണാകുളത്തെ സ്വകാര്യ ടെലികോം കമ്പനിയിലെ ഡ്രൈവറുടെ സഹായത്തോടെയാണ് ഇയാള്‍ കഞ്ചാവ് കടത്തിക്കൊണ്ടുവന്നത്. കാവനാട് ബൈപ്പാസ് പാലത്തിന്റെ വശത്തായി നാട്ടുകാര്‍ക്ക് ശല്യമാകുന്ന തരത്തില്‍ യുവാക്കള്‍ എത്തി കഞ്ചാവ് വില്പനയും ഉപയോഗവും നടത്തുന്നുവെന്ന കൊല്ലം അസി. എക്സൈസ് കമ്മീഷണര്‍ ബി. സുരേഷിനു ലഭിച്ച രഹസ്യവിവരത്തെ തുടര്‍ന്ന് നടത്തിയ അന്വേഷണത്തിലാണ് പ്രതി പിടിയിലായത്.
സംഭവവുമായി ബന്ധപ്പട്ട് കഞ്ചാവ് വില്‍പ്പനയ്‌ക്ക് കൂട്ടുനിന്ന ചാമ്പകടവ് സ്വദേശി ഉണ്ണിക്കുട്ടന്‍ എന്ന അഖില്‍കുമാറിനായി അന്വേഷണം ഊര്‍ജിതമാക്കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: