മാഞ്ചസ്റ്റര്‍: പ്രീമിയര്‍ ലീഗിലെ നാലു കളിക്കാര്‍ക്ക് കൂടി കൊറോണ സ്ഥിരീകരിച്ചതായി അധികൃതര്‍ അറിയിച്ചു. പ്രീമിയര്‍ ലീഗ് മത്സരങ്ങള്‍ പുനരാരംഭിക്കുന്നതിന്റെ ഭാഗമായി നടത്തിയ പരിശോധനയിലാണ് നാലു പേര്‍ക്കു കൂടി രോഗം ബാധിച്ചതായി കണ്ടെത്തിയത്.
ഇതോടെ കൊറോണ വൈറസ് ബാധിച്ചവരുടെ എണ്ണം പന്ത്രണ്ടായി. നേരത്തെ നടത്തിയ ആദ്യ രണ്ട് റൗണ്ട് പരിശോധനകളില്‍ എട്ട് പേര്‍ക്ക് കൊറോണ സ്ഥിരീകരിച്ചിരുന്നു.
രണ്ട് ദിവസങ്ങളിലായി കളിക്കാരും ജീവനക്കാരും അടക്കം 1008 പേരെ കൊറോണ പരിശോധനയ്‌ക്ക് വിധേയരാക്കി. ഇതില്‍ മൂന്ന്് ക്ലബ്ബുകളില്‍ നിന്നുള്ള നാലു പേര്‍ക്ക് കൊറോണ ബാധിച്ചതായി പ്രീമിയര്‍ ലീഗ് പ്രസ്താവനയില്‍ അറിയിച്ചു. രോഗം സ്ഥിരീകരിച്ചവര്‍ ഏഴു ദിവസത്തെ ക്വാറന്റൈനില്‍ പ്രവേശിച്ചു.
ആദ്യ റൗണ്ടില്‍ പരിശോധനയ്‌ക്ക് വിധേയരായ 996 പേരില്‍ രണ്ട് പേര്‍ക്കും രണ്ടാം റൗണ്ടില്‍ പരിശോധനയ്‌ക്ക് വിധേയരായ 748 പേരില്‍ ആറു പേര്‍ക്കും കൊറോണ സ്ഥിരീകരിച്ചിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: