കണ്ണൂര്‍: കേരള എന്‍ജിഒസംഘ് കണ്ണൂര്‍ ജില്ലാ കമ്മറ്റി പ്രധാനമന്ത്രിയുടെ കൊറോണ ദുരിതാശ്വാസ നിധിയിലേക്ക് സ്വരൂപിച്ച് നല്‍കുന്ന തുകയുടെ ആദ്യഗഡു ജില്ലാ പ്രസിഡന്റ് സജീവന്‍ ചാത്തോത്തില്‍നിന്നും കേരള എന്‍ജിഒസംഘ് സംസ്ഥാന വൈസ് പ്രസിഡന്റ് എം.ടി.മധുസൂദനന്‍ ഏറ്റുവാങ്ങി.
അതിരൂക്ഷമായ കൊറോണ വ്യാപനംമൂലം രാജ്യത്തെ ജനങ്ങള്‍ നേരിടുന്ന സാമ്പത്തിക പ്രയാസങ്ങള്‍ക്ക് പരിഹാരമായി പ്രധാനമന്ത്രി പ്രഖ്യാപിച്ച കൊറോണ പാക്കേജ് സ്വാഗതാര്‍ഹമാണെന്ന് തുക ഏറ്റുവാങ്ങി കൊണ്ട് മദുസൂദനന്‍ അഭിപ്രായപ്പെട്ടു. കൊറോണ വ്യാപനത്തെതുടര്‍ന്ന് രാജ്യം അഭിമുഖീകരിക്കുന്ന അസാധാരണ സാഹചര്യം നേരിടുന്നതിനായി എന്‍ജിഒ സംഘ് പ്രവര്‍ത്തകര്‍ ഒരു ദിവസത്തെ അടിസ്ഥാന ശമ്പളം പിഎം കെയര്‍ ഫണ്ടിലേക്ക് നല്‍കിയത് അഭിനന്ദനാര്‍ഹമാണെന്നും, രണ്ടാം ഘട്ട ഫണ്ട് ശേഖരണപ്രവര്‍ത്തനങ്ങള്‍ക്ക് എല്ലാ ജീവനക്കാരുടെയും സഹകരണം ഉണ്ടാകണമെന്നും അദ്ദേഹം പറഞ്ഞു.
ചടങ്ങില്‍ ജില്ലാ സെക്രട്ടറി കെ.കെ. സന്തോഷ്, ജില്ലാ വൈസ്പ്രസിഡന്റ് പുരുഷോത്തമന്‍ എന്നിവര്‍ പങ്കെടുത്തു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: