ന്യൂയോര്‍ക്ക്: പ്രവാസി ഇന്ത്യന്‍ പൗരന്മാരെ ദുരിതത്തിലും അടിയന്തിര സാഹചര്യങ്ങളിലും സഹായിക്കാന്‍ ഏര്‍പ്പെടുത്തിയ് ഇന്ത്യന്‍ കമ്മ്യൂണിറ്റി വെല്‍ഫെയര്‍ ഫണ്ട് പവാസികളുടെ തിരിച്ചു പോക്കിന് ഉപയോഗിക്കണമെന്ന് പ്രവാസി മലയാളി ഫെഡറേഷന്‍.
പ്രകൃതി ദുരന്തം ബാധിച്ച രാജ്യങ്ങള്‍, മറ്റു വെല്ലുവിളി നിറഞ്ഞ സാഹചര്യങ്ങള്‍ എന്നിവയില്‍ നിന്ന് ഇന്ത്യന്‍ പൗരന്മാരെ അടിയന്തരമായി മാറ്റുന്നതിനും കമ്മ്യൂണിറ്റി വെല്‍ഫെയര്‍ ഫണ്ടിന്റെ സേവനം എല്ലാ ഇന്ത്യന്‍ എംബസ്സികളിലും മിഷനുകളിലേക്കും വ്യാപിച്ചത് നിലവിലുണ്ട്.
കമ്മ്യൂണിറ്റി വെല്‍ഫെയര്‍ ഫണ്ട് മാര്‍ഗ നിര്‍ദേശങ്ങള്‍ കൂടുതല്‍ പരിഷ്‌കരിച്ചു അവ കൂടുതല്‍ വിശാലമായ അടിസ്ഥാനത്തിലാക്കാനും ഫണ്ടിലൂടെ വിപുലീകരിക്കാന്‍ കഴിയുന്ന ക്ഷേമ നടപടികളുടെ വ്യാപ്തി വര്‍ദ്ധിപ്പിക്കുവാനും വേണ്ടി 2017 സെപ്റ്റംബറില്‍ കേന്ദ്ര മന്ത്രി സഭ പ്രവാസികളുടെ സഹായ അഭ്യര്ഥനകളെ വേഗത്തില്‍ പരിഹരിക്കുന്നതിന് ഇന്ത്യന്‍ എംബസ്സികള്‍ക്കും മിഷനുകള്‍ക്കും പുതുക്കിയ മാര്‍ഗ നിര്‍ദേശങ്ങള്‍ നല്‍കിയിട്ടുണ്ട്.
ഒറ്റപെട്ടു പോയ വിദേശ ഇന്ത്യക്കാരെ അവരുടെ നാട്ടിലേക്കുള്ള യാത്ര സൗകര്യം കൊടുക്കുക ദുരിത സാഹചര്യങ്ങളില്‍ പ്രവാസി പൗരന്മാരെ സഹായിക്കുക, അര്‍ഹരായ പ്രവാസികള്‍ക്ക് ബോര്ഡിങ് ലാന്‍ഡിംഗ്, ഷെല്‍ട്ടറുകള്‍ ഒരുക്കുക, തൊഴിലുടമ പീഡിപ്പിക്കുകയും, ജയിലുകളില്‍ അടക്കുകയും ചെയ്തവര്‍ക് നിയമപരമായ സഹായം നല്‍കുക, ദുരിത്തിലായ ഇന്ത്യന്‍ വിദ്യാര്‍ത്ഥികളെ സഹായിക്കുക, വിദേശ ഭര്‍ത്താക്കന്മാര്‍ ഉപേക്ഷിക്കപ്പെട്ട ഇന്ത്യന്‍ സ്ത്രീകള്‍ക്കു നിയമപരവും സാമ്പത്തികപരവുമായ സഹായം നല്‍കുക, തടങ്കലില്‍ നിന്ന് മോചിപ്പിക്കുന്നതിനും, മരണപ്പെടുന്ന
നിരാലംബരുടെ മൃത ദേഹം സംസ്‌കരിക്കുന്നതില്‍ ഇടപെടുക, ഇന്ത്യന്‍ സമൂഹവുമായി ബന്ധപ്പെട്ട കമ്മ്യൂണിറ്റി പ്രവര്‍ത്തനങ്ങള്‍ക്കു ചിലവിടുക, ദുരിതത്തിലായ ഇന്ത്യക്കാര്‍ക്കു അഭയം, ഇന്ത്യന്‍ കുടിയേറ്റ തെഴിലാളികളുമായി സംവദിക്കുന്നതിനും തൊഴില്‍ സംബന്ധമായ പ്രശ്‌നങ്ങളെക്കുറിച്ചു അവരെ അറിയിക്കുന്നതിന് ലേബര്‍ കോണ്‍സുലാര്‍ ക്യാമ്പുകള്‍ സംഘടിപ്പിക്കുക, വിദേശത്തു താമസിക്കുന്ന പൗരന്മാരെ അല്ലെങ്കില്‍ സന്ദര്ശനത്തിനെത്തി ദുരിതത്തിലായവരെ സഹായിക്കുക എന്നിവയക്ക് ഇന്ത്യന്‍ കമ്മ്യൂണിറ്റി വെല്‍ഫെയര്‍ ഫണ്ട് ഉപയോഗിക്കാം, എന്നാല്‍ ഇന്ത്യന്‍ വംശജരും വിദേശ പൗരത്വവും ഉള്ളവര്‍ക്ക് ഈ ധന സഹായത്തിനു അര്‍ഹതയില്ല, പ്രത്യേക സാഹചര്യത്തില്‍ അതാതു ഇന്ത്യന്‍ അംബാസ്സഡര്‍മാര്‍ക്കും അവരുടെ സമ്മത പ്രകാരം പാസ്പോര്‍ട്ടില്‍ രേഖപ്പെടുത്തിയ ശേഷം സഹായിക്കാം.
ഇപ്പോഴത്തെ സാഹചര്യം കണക്കിലെടുത്തു കൊണ്ട് പാവപെട്ട പ്രവാസി തൊഴിലാളികള്‍ക്ക് ഫണ്ട് ഉപയോഗിച്ച് വിമാന ടിക്കറ്റ് നല്‍കുവാനും അര്‍ഹരായ പ്രവാസികള്‍ക്ക് ഇന്ത്യന്‍ വെല്‍ഫെയര്‍ ഫണ്ട് എത്രയും പെട്ടെന്ന് അനുവദിക്കുവാനും ഇന്ത്യന്‍ പ്രധാന മന്ത്രിക്കും, കേന്ദ്ര വിദേശകാര്യ മന്ത്രിക്കും, മറ്റു ഇതര ഇന്ത്യന്‍ അംബാസ്സഡര്‍മാര്‍ക്കും നിവേദനങ്ങള്‍ അയച്ചതായി പ്രവാസി മലയാളി ഫെഡറേഷന്‍ ഗ്ലോബല്‍ പ്രസിഡണ്ട് എം പീ സലീം, േചെയര്‍മാന്‍ ഡോകട്ര്‍ ജോസ് കാനാട്ട് ചീഫ് പേട്രണ്‍ ഡോക്ടര്‍ മോന്‍സ് മാവുങ്കാല്‍ കോഓര്‍ഡിനേറ്റര്‍ ജോസ് പനച്ചിക്കല്‍, സെക്രട്ടറി വര്ഗീസ് ജോണ്‍ , ട്രഷറര്‍ സ്റ്റീഫന്‍ കോട്ടയം എന്നിവര്‍ പ്രസ്താവനയില്‍ അറിയിച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: