എടക്കര(മലപ്പുറം): കൊറോണ ജാഗ്രതയുടെ ഭാഗമായി വീട്ടില്‍ നിരീക്ഷണത്തില്‍ കഴിഞ്ഞിരുന്ന മധ്യവയസ്‌കന്‍ മരിച്ചു. മൂത്തേടം നാരങ്ങാപൊട്ടിയിലെ കുമ്പളത്ത് പുത്തന്‍വീട്ടില്‍ ഗീവര്‍ഗ്ഗീസ്(തമ്പാന്‍കുട്ടി-58) ആണ് മരിച്ചത്
മുംബൈയില്‍ ജോലി ചെയ്തിരുന്ന ഗീവര്‍ഗീസ് അപകടത്തില്‍ കാലിന് പരിക്കേറ്റ് 15 ദിവസം മുമ്പാണ് നാട്ടിലെത്തിയത്. പ്രത്യേകിച്ച് രോഗലക്ഷണമൊന്നും ഇല്ലായിരുന്നെങ്കിലും മുംബൈയില്‍ നിന്ന് വന്നതിനാല്‍ നിരീക്ഷണത്തില്‍ കഴിയാന്‍ ആരോഗ്യപ്രവര്‍ത്തകര്‍ നിര്‍ദ്ദേശം നല്‍കി. എന്നാല്‍ ഇന്ന് രാവിലെയോടെ മരണപ്പെടുകയായിരുന്നു.
മൃതദേഹം നിലമ്പൂര്‍ ജില്ലാ ആശുപത്രി മോര്‍ച്ചറിയിലേക്ക് മാറ്റി. അതേ സമയം കൊറോണ ടെസ്റ്റിന് വേണ്ടി സ്രവം ശേഖരിച്ച് അയച്ചിട്ടുണ്ട്. പരിശോധനാ ഫലം വന്നതിന് ശേഷമേ പോസ്റ്റുമോര്‍ട്ടം വേണോയെന്ന കാര്യം തീരുമാനിക്കൂയെന്ന് ആരോഗ്യവകുപ്പ് അധികൃതര്‍ പറഞ്ഞു. ഭാര്യ: ഓമന. മക്കള്‍: അഭയ, അഭിന്‍. മരുമകന്‍: സുജോ.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: