മുൻകരുതൽ നിർദ്ദേശം മറികടന്ന് സംസ്‌കാര ചടങ്ങ്; വൈദികൻ അടക്കം മൂന്ന് പേർ അറസ്റ്റിൽ

അടൂർ: നിരോധനാജ്ഞ ലംഘിച്ച് കോവിഡ് 19ന്റെ മുൻകരുതൽ നിർദ്ദേശം മറികടന്ന് പൊതു സുരക്ഷയ്‌ക്കു വിരുദ്ധമായിസംസ്‌ക്കാര ചടങ്ങ് നടത്തിയ വൈദികൻ അടക്കം മൂന്ന് പേരെ ഏനാത്ത് പോലീസ് അറസ്റ്റ് ചെയ്തു. 

ഹൃദയാഘാതം മൂലം മരണമടഞ്ഞ കടമ്പനാട് തുവയൂർ സ്വദേശിയായ ബാബുശാമുവേലിന്റെ സംസ്‌കാര ചടങ്ങിൽ പോലീസിന്റെ നിർദ്ദേശം പാലിക്കാതെ 100ൽ കൂടുതൽ ആളുകൾ കൂട്ടം കൂടിയതിനെ തുടർന്ന് ചൂരക്കോട് സെന്റ് പീറ്റേഴ്‌സ് മാർത്തോമ ചർച്ച് വികാരി ഫാ: റജിയോഹന്നാൻ (40), പള്ളി ട്രസ്റ്റി തുവയൂർ തെക്കേ ചരുവിളവീട്ടിൽ സുരാജ് (37), സെക്രട്ടറി ഐവർകാല നടുവിൽ ഷിജി ഭവനിൽ മാത്യൂ (60)എന്നിവരെയാണ് ഏനാത്ത് പോലീസ് അറസ്റ്റ് ചെയ്തത്. പിന്നീട് ഇവരെ ജാമ്യത്തിൽ വിട്ടു.