കോഴിക്കോട് ; കുംഭമേള താരത്തിന്റെ വിവാഹ വിവാദത്തിൽ പ്രതികരിച്ച് സിപിഐ സംസ്ഥാന സെക്രട്ടറി ബിനോയ് വിശ്വം. ‘ രേഖകൾ നോക്കിയാണ് വിവാഹം കഴിപ്പിച്ചത് . ഇപ്പോഴും അത് കേരള സ്റ്റോറിയാണ്. ആധാർ നോക്കിയാണ് വിവാഹം നടത്തിയത് . വിവാഹത്തിന് മുന്നിൽ നിന്ന നേതാക്കൾ പ്രതികരിക്കാത്തത്
എന്ത്കൊണ്ടെന്ന് അറിയില്ലെന്നും ബിനോയ് വിശ്വം പ്രതികരിച്ചു. ഇതിന്റെയെല്ലാം പിന്നിൽ കൃത്യമായ രാഷ്ട്രീയ അജണ്ടയുണ്ടെന്നും ബിനോയ് വിശ്വം പറഞ്ഞു.
ഇക്കഴിഞ്ഞ മാർച്ച് 11 നാണ് മഹാകുംഭമേളയിലെ വൈറൽ സുന്ദരി ഫർമാൻ ഖാനെ വിവാഹം കഴിച്ചത്. കേരളത്തിലെ സിപിഎം നേതാക്കളുടെ നേതൃത്വത്തിലായിരുന്നു വിവാഹം . അന്ന് തന്നെ പെൺകുട്ടിയുടെ പ്രായത്തെ കുറിച്ച് വിവാദങ്ങൾ ഉയർന്നിരുന്നു. ഈ വിവാദങ്ങൾ അന്ന് ഫർമാൻ ഖാൻ നിഷേധിച്ചിരുന്നു . എന്നാൽ ഇപ്പോൾ നാഷണൽ കമ്മീഷൻ ഫോർ ഷെഡ്യൂൾഡ് ട്രൈബ്സ് (NCST) നടത്തിയ അന്വേഷണത്തിൽ താരം പ്രായപൂർത്തിയാകാത്ത പെൺകുട്ടിയണ് എന്ന റിപ്പോർട്ടുകളാണ് പുറത്ത് വരുന്നത്.
കമ്മീഷന്റെ റിപ്പോർട്ട് പ്രകാരം, വിവാഹം നടക്കുമ്പോൾ പെൺകുട്ടിയ്ക്ക് 16 വയസ്സും 2 മാസവും 12 ദിവസവുമാണ് പ്രായം . ഇതിന്റെ അടിസ്ഥാനത്തിൽ പോക്സോ നിയമപ്രകാരം ഫാർമനെതിരെ കേസ് ഫയൽ ചെയ്തിട്ടുണ്ട് .
