പാലക്കാട് : പ്രതിപക്ഷ ധര്‍മ്മം നിര്‍വഹിക്കുന്നതില്‍ പരാജയപ്പെട്ട പ്രതിപക്ഷ നേതാവ് വി ഡി സതീശനെ മാറ്റാനുള്ള നീക്കം തുടങ്ങിയതായി തനിക്കറിയാമെന്നും ഒന്നുകില്‍ നവംബര്‍ 13ന് മുമ്പ് അല്ലെങ്കില്‍ തെരഞ്ഞെടുപ്പ് ഫലപ്രഖ്യാപനത്തിനുശേഷം അത് സംഭവിക്കുമെന്നും കോണ്‍ഗ്രസ് വിട്ട് സിപിഎമ്മില്‍ ചേക്കേറിയ ഡോ. പി സരിന്റെ വെളിപ്പെടുത്തല്‍. നിയമസഭയ്‌ക്ക് അകത്തും പുറത്തും സര്‍ക്കാരിനെതിരെ ദുഷ്പ്രചാരണം നടത്തുകയായിരുന്നു യുഡിഎഫ് . രാഷ്‌ട്രീയം പറഞ്ഞു പൊളിഞ്ഞ ഒരു മുന്നണിയുടെ ഭാഗമായി തുടരുന്നതില്‍ അര്‍ത്ഥമില്ലെന്നും അദ്ദേഹം വ്യക്തമാക്കി. എല്‍ഡിഎഫ് സര്‍ക്കാര്‍ 3.0 അവതരിപ്പിക്കാനുള്ള രാഷ്‌ട്രീയ ദൗത്യത്തിന്റെ ഭാഗമാകാനാണ് താന്‍ പോകുന്നത്. പാര്‍ട്ടി ചിഹ്‌നത്തില്‍ മത്സരിക്കണമെന്നായിരുന്നു ആഗ്രഹമെന്നും, അങ്ങനെ സംഭവിക്കുമ്പോഴാണ് തികഞ്ഞ രാഷ്‌ട്രീയം വരുന്നതെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: