ചെങ്ങന്നൂര്‍: ഭരണഘടനയുടെ മൗലികതത്വങ്ങളോട് സജി ചെറിയാന് പുച്ഛമാണെന്ന് ബിജെപി സംസ്ഥാന സെക്രട്ടറി അഡ്വ. പന്തളം പ്രതാപന്‍ പറഞ്ഞു. മന്ത്രി സജി ചെറിയാന് രാജിവെക്കണമെന്ന് ആവശ്യപ്പെട്ട് ബിജെപി ചെങ്ങന്നൂരില്‍ മന്ത്രിയുടെ കോലം കത്തിച്ചുള്ള പ്രതിഷേധ സമരം ഉദ്ഘാടനം ചെയ്യുകയായിരുന്നു അദ്ദേഹം.
ഇത് ജനാധിപത്യത്തോടുള്ള വെല്ലുവിളിയാണ്. കേരളത്തിലെ ഒരു മന്ത്രിക്കെതിരെ ക്രൈംബ്രാഞ്ച് എങ്ങനെ സത്യസന്ധമായി അന്വേഷിക്കും. ഭരണഘടനയില്‍ വിശ്വാസമില്ലാത്തയാള്‍ മന്ത്രിസ്ഥാനത്തല്ല എംഎല്‍എ ആയിരിക്കാന്‍ പോലും യോഗ്യനല്ല.
പോലീസ് നല്‍കിയ റിപ്പോര്‍ട്ട് തെറ്റാണെന്ന് ഹൈക്കോടതി കണ്ടെത്തി പുനരന്വേഷണം പ്രഖ്യാപിച്ച സാഹചര്യത്തില്‍ സജി ചെറിയാനെ മന്ത്രിസഭയില്‍ നിന്ന് പുറത്താക്കാനുള്ള ആര്‍ജവം മുഖ്യമന്ത്രി കാണിക്കണമെന്നും പന്തളം പ്രതാപന്‍ ആവശ്യപ്പെട്ടു.
മണ്ഡലം പ്രസിഡന്റ് പ്രമോദ് കാരയ്‌ക്കാട് അധ്യക്ഷനായി. മണ്ഡലം ജനറല്‍ സെക്രട്ടറി അനീഷ് മുളക്കുഴ, മഹിളാമോര്‍ച്ച ജില്ലാ പ്രസിഡന്റ് കലാ രമേശ്, എസ്.വി. പ്രസാദ്, മനു കൃഷ്ണന്‍, ടി. സി. സുരേന്ദ്രന്‍, സിന്ധു ലക്ഷ്മി, ആതിര ഗോപന്‍, പി.ജി. മഹേഷ്, ജിബി കീക്കാട്ടില്‍, ഇന്ദുരാജന്‍, സിനി ബിജു, സനല്‍കുമാര്‍, പി.എ നാരായണന്‍, കെ. കെ വിനോദ്, എം. രാജലക്ഷ്മി, കെ. സത്യപാല്‍, കെ.കെ ഗോപാ
ലന്‍, ബിജുകുമാര്‍ തുടങ്ങിയവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: