പിക്കപ്പ് വാനിന് പിന്നിലേക്ക് ബൈക്ക് ഇടിച്ചു കയറി; കോതമംഗലത്ത് യുവാക്കൾക്ക് ദാരുണാന്ത്യം

കൊച്ചി: കോതമംഗലത്ത് ദേശീയപാതയിൽ ഉണ്ടായ അപകടത്തിൽ രണ്ട് യുവാക്കൾക്ക് ദാരുണാന്ത്യം. കോട്ടപ്പടി സ്വദേശികളായ ആൽബിൻ,അഭിരാമൻ എന്നിവരാണ് മരിച്ചത്. ഇരുവരും സഞ്ചരിച്ചിരുന്ന ബൈക്ക് പിക്ക് അപ്പിന് പിന്നിലേക്ക് ഇടിച്ച് കയറുകയായിരുന്നു.

ഇന്നലെ രാത്രി 10 മണിയോടെയായിരുന്നു സംഭവം. ഇരുവരെയും കോതമംഗലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.