ലിവര്‍പൂള്‍: ആഫ്രിക്കന്‍ കപ്പ് ഓഫ് നേഷനില്‍ ഈജിപ്ത്തിന് വേണ്ടി കളിക്കുന്നതിനിടെ പരിക്കേറ്റ ലോകത്തിന്റെ സൂപ്പര്‍ ഫുട്‌ബോള്‍ താരം മുഹമ്മദ് സലാ ചികിത്സയ്ക്കായി ഇംഗ്ലണ്ടിലെ ലവര്‍പൂളില്‍. ഈ നഗരത്തെ കേന്ദ്രീകരിച്ചുള്ള ലിവര്‍പൂള്‍ എഫ്‌സി ടീമിന് വേണ്ടിയാണ് താരം ക്ലബ്ബ് ഫുട്‌ബോളില്‍ കളിക്കുന്നത്.
ആഫ്രിക്കന്‍ കപ്പ് ഓഫ് നേഷനില്‍ ഗ്രൂപ്പ് ബിയില്‍ ഉള്‍പ്പെട്ട ഈജിപ്ത് വ്യാഴാഴ്‌ച്ച ഘാനയ്‌ക്കെതിരെ കളിക്കുമ്പോഴാണ് സലയ്‌ക്ക് പരിക്കേറ്റത്. മത്സരം രണ്ട് ഗോള്‍ സമനിലയില്‍ കലാശിച്ചിരുന്നു. ടൂര്‍ണമെന്റില്‍ ആദ്യ മത്സരത്തിലും ടീം സമനിലയില്‍ കുരുങ്ങിയതാണ്.
ഈജിപ്ത് നോക്കൗട്ടിന് യോഗ്യത നേടിയാലും സല എന്നായിരിക്കും ടീമിനൊപ്പം ചേരുകയെന്ന കാര്യത്തില്‍ ഇതുവരെ വ്യക്തമായിട്ടില്ല. താരത്തിന്റെ പിന്‍വാങ്ങല്‍ ദേശീയ ടീമിനെ അല്‍പ്പം പ്രതിസന്ധിയിലും ആക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: