തിരുവനന്തപുരം : ക്രിസ്മസ്സിനോടനുബന്ധിച്ച് പ്രധാനമന്ത്രി നരേന്ദ്രമോദി നല്‍കിയ വിരുന്നില്‍ പങ്കെടുത്തതില്‍ ബിഷപ്പുമാരെ അവഹേളിച്ച മന്ത്രി സജി ചെറിയാന്റെ പ്രസ്താവന പിന്‍വലിക്കണമെന്ന് കത്തോലിക്ക ബാവ മേജര്‍ ആര്‍ച് ബിഷപ്പ് ക്ലിമിസ്. പ്രസ്താവനയില്‍ മന്ത്രി വിശദീകരണം നല്‍കണമെന്നും മന്ത്രി ആവശ്യപ്പെട്ടിട്ടുണ്ട്. വിഷയത്തില്‍ യാക്കോബായ സഭയും മന്ത്രിക്കെതിരെ രംഗത്ത് എത്തിയിരുന്നു.
നിരുത്തരവാദപരമായ പ്രസ്താവനയാണ് സജി ചെറിയാന്‍ നടത്തിയത്. വിഷയത്തില്‍ മന്ത്രി വിശദീകരണം നല്‍കുന്നത് വരെ സര്‍ക്കാരുമായി സഹകരിക്കില്ലെനിനും കത്തോലിക്ക ബാവ പറഞ്ഞു. ആര് വിളിച്ചാല്‍ ക്രൈസ്തവ സഭ പോകണമെന്ന് തീരുമാനിക്കുന്നത് രാഷ്‌ട്രീയ പാര്‍ട്ടികള്‍ അല്ല. നിലപാട് ശക്തമായി തന്നെ സര്‍ക്കാരിനെ അറിയിക്കുകയാണെന്നും അദ്ദേഹം കൂട്ടിച്ചേര്‍ത്തു.
മന്ത്രിയുടെ നിലപാടുകളോട് യോജിക്കുന്നില്ലെന്ന് യാക്കോബായ മീഡിയ കമ്മീഷന്‍ ചെയര്‍മാന്‍ കുര്യാക്കോസ് മാര്‍ തെയോഫിലോസും പറഞ്ഞു. പ്രധാനമന്ത്രിയുടെ വിരുന്നില്‍ പങ്കെടുക്കുകയെന്നത് സഭയുടെ ഉത്തരവാദിത്തമാണ്. മണിപ്പൂര്‍ അടക്കമുള്ള വിഷയങ്ങള്‍ സഭകളുടെ കൂട്ടായ്മ ഇക്കാര്യം നേരത്തെ തന്നെ സര്‍ക്കാരിനെ അറിയിച്ചിട്ടുണ്ട്. ഏതെങ്കിലും വിരുന്നില്‍ പങ്കെടുത്തുവെന്ന് കരുതി അലിഞ്ഞുപോകുന്നതല്ല സഭയുടെ നിലപാടുകളെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: