കൊല്ലത്ത് വാഹനാപകടത്തിൽ മുൻകായിക താരത്തിന് ദാരുണാന്ത്യം

കൊല്ലം: പുനലൂരിൽ ദേശിയപാതയിൽ വാഹനാപകടത്തിൽ മുൻ കായികതാരം അന്തരിച്ചു. തൊളിക്കോട് സ്വദേശി ഓംകാർ നാഥ് ആണ് മരിച്ചത്. കൊല്ലം-തിരുമംഗലം ദേശീയപാതയിൽ പുനലൂർ, വാളക്കോട് പള്ളിയ്‌ക്ക് സമീപമാണ് അപകടം നടന്നത്.

നിയന്ത്രണം വിട്ട ബൈക്ക് മരത്തിലേക്ക് ഇടിച്ച് കയറിയായിരുന്നു അപകടം. ദേശീയ മെഡൽ ജേതാവും എംഎ കോളേജ് മുൻ കായികതാരവുമാണ് തിരുവനന്തപുരം എസ്എപി ക്യാമ്പിലെ ഹവിൽദാർ ഓംകാർനാഥ്. ഒപ്പമുണ്ടായിരുന്ന യുവാവിനെ ഗുരുതര പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.