ദേശീയപാതയോരത്തെ കുഴിയിൽ ബൈക്കുമായി വീണ യാത്രികൻ തെറിച്ച് റോഡിൽ വീണു; കണ്ടെയ്‌നർ ട്രെയിലർ ഇടിച്ച് ദാരുണാന്ത്യം

ആലപ്പുഴ: അരൂർ ദേശീയപാതയിലെ കുഴിയിൽ വീണ് ബൈക്ക് യാത്രികന് ദാരുണാന്ത്യം. ആലപ്പുഴ സ്വദേശി സനിൽ കുമാർ ആണ് മരിച്ചത്. ആലപ്പുഴയിൽ നിന്ന് എറണാകുളത്തേക്ക് പോകവെയായിരുന്നു അപകടം. ബൈക്ക് റോഡരികിലെ കുഴിയിലേക്ക് വീഴുകയായിരുന്നു. പിന്നാലെ ബൈക്ക് ഫുട്ട് പാത്തിലേക്ക് വീണു. സനിൽ കുമാർ റോഡിലേക്ക് തെറിച്ചു വീണു. ഈ സമയമെത്തിയ കണ്ടെയ്‌നർ ട്രെയിലർ ഇടിച്ച് ഇദ്ദേഹം മരിക്കുകയായിരുന്നു.

അൽഅമീൻ പബ്ലിക് സ്‌കൂൾ സ്റ്റോപ്പിന് സമീപമായിരുന്നു അപകടം. പ്രദേശത്ത് ആകാശപാത നിർമ്മിക്കുന്നതിനാൽ റോഡിന്റെ പകുതി ഭാഗം ബാരിക്കേഡ് വെച്ച് മറച്ചിരുന്നു. ഇതിനാൽ തന്നെ റോഡിന് വീതി കുറവാണ്. ഇവിടെ കുഴിച്ചിരുന്ന കുഴി മൂടാതെ കിടന്നതാണ് അപകടത്തിന് കാരണമായത്.