നാടൻപാട്ടുകളുടെ മന്നൻ അറുമുഖൻ വെങ്കിടങ്ങ് അന്തരിച്ചു

നാടൻപാട്ടുകളുടെ മന്നൻ അറുമുഖൻ വെങ്കിടങ്ങ് അന്തരിച്ചു. നാടൻപാട്ടുകളുടെ മുടിചൂടാമന്നൻ എന്നായിരുന്നു അറുമുഖൻ അറിയപ്പെട്ടിരുന്നത്. 65 വയസായിരുന്നു. 350-ഓളം നാടൻപാട്ടുകളാണ് ഇദ്ദേഹത്തിന്റെ തൂലികയിൽ നിന്നും ഉടലെടുത്തിട്ടുള്ളത്.

കലാഭവൻ മണിയെ ഇത്രയധികം ജനപ്രിയമാക്കുന്നതിനും കാരണം ഇദ്ദേഹത്തിന്റെ നാടൻ പാട്ടുകൾ തന്നെയായിരുന്നു. മിന്നാമിനുങ്ങേ മിന്നും മിനുങ്ങേ, ചാലക്കുടി ചന്തക്കു പോകുമ്പോൾ, പകലു മുഴുവൻ പണിയെടുത്ത് , വരിക്കചക്കേടെ എന്നിവയെല്ലാം ഇദ്ദേഹത്തിന്റെ പാട്ടുകളാണ്.

തൃശൂർ വെങ്കിടങ്ങ് സ്വദേശിയാണ് അറുമുഖൻ. ഏനാമാവിൽ ഇന്ന് വൈകിട്ട് മൂന്ന് മണിയോടെ സംസ്‌കാര ചടങ്ങുകൾ നടക്കും.