ചെന്നൈ: ഐഎസ് ബന്ധമെന്ന സംശയത്തെ തുടര്‍ന്ന് തമിഴ്‌നാട്ടില്‍ എന്‍ഐഎ റെയ്ഡ്. കോയമ്പത്തൂരില്‍ 23 ഇടങ്ങളിലും ചെന്നൈയില്‍ മൂന്നിടത്തുമായാണ് റെയ്ഡ് നടന്നത്. നിരോധിത സംഘടനയായ ഐഎസുമായി ബന്ധപ്പെട്ടാണ് പരിശോധന നടക്കുന്നത്. ഐഎസ് സംഘം വിദ്യാര്‍ത്ഥികള്‍ ഉള്‍പ്പെടെയുള്ളവര്‍ക്ക് പരിശീലനം നല്‍കുന്നതിന് പദ്ധതിയിട്ടിരുന്നുവെന്നും ഇതിന്റെ പശ്ചാത്തലത്തിലാണ് റെയ്‌ഡെന്നും എന്‍ഐഎ വ്യക്തമാക്കി.
അതേസമയം കേരളത്തില്‍ ഐഎസ് ഗ്രൂപ്പ് രൂപീകരിക്കാന്‍ ശ്രമിച്ച കേസില്‍ കഴിഞ്ഞ ആഴ്ച ഒരാളെ അറസ്റ്റ് ചെയ്തിരുന്നു. തൃശൂര്‍ സ്വദേശി നബീല്‍ അഹമ്മദിനെയാണ് അറസ്റ്റ് ചെയ്തത്. നബീലാണ് ഐഎസ് ഗ്രൂപ്പ് രൂപീകരിക്കുന്നതിനായി സംസ്ഥാനത്ത് നീക്കം നടത്തിയതെന്ന് എന്‍ഐഎ കണ്ടെത്തിയിരുന്നു. ഇയാളുടെ കസ്റ്റഡി കാലാവധി ഇന്ന് അവസാനിക്കും.
പ്രതികരിക്കാൻ ഇവിടെ എഴുതുക: