കാഞ്ഞാണി: മണലൂരില്‍ 20 വയസുകാരിയായ ഫാര്‍മസി വിദ്യാര്‍ത്ഥിനി ആത്മഹത്യ ചെയ്ത സംഭവത്തില്‍ ബന്ധുവും കാമുകനുമായ യുവാവിനെ ആത്മഹത്യാ പ്രേരണക്കുറ്റം ചുമത്തി പോലീസ് അറസ്റ്റ് ചെയ്തു. ചിറ്റിലപ്പിള്ളി സ്വദേശി എടക്കാട്ടില്‍ നിതി (28) നെയാണ് അന്തിക്കാട് എസ്ഐ എ. ഹബീബുള്ളയും സംഘവും അറസ്റ്റ് ചെയ്തത്. കഴിഞ്ഞമാസമാണ് വിദ്യാര്‍ത്ഥിനി ജീവനൊടുക്കിയത്.
ഇന്റീരിയര്‍ ഡിസൈനറാണ് പ്രതി നിതിന്‍. തിരുവനന്തപുരം മെഡിക്കല്‍ കോളേജില്‍ ഫാര്‍മസി വിദ്യാര്‍ത്ഥിയായിരുന്ന തൃശൂര്‍ മണലൂര്‍ സ്വദേശിനിയായ യുവതിയുമായി ഇയാള്‍ തീവ്ര പ്രണയത്തിലായിരുന്നു. യുവതിയുടെ ബന്ധുവാണ് നിതിന്‍.
രണ്ടുവര്‍ഷക്കാലം പ്രണയം നീണ്ടു. ഒടുവില്‍ വിവാഹ വാഗ്ദാനം നല്‍കി വഞ്ചിച്ചു. ഇതില്‍ മനംനൊന്ത് യുവതി വീട്ടില്‍ തൂങ്ങി മരിക്കുകയായിരുന്നു. മരണശേഷം യുവതിയുടെ മൊബൈല്‍ ഫോണില്‍ നിന്ന് ഇക്കാര്യങ്ങള്‍ വ്യക്തമാക്കി ആത്മഹത്യാക്കുറിപ്പ് വീട്ടുകാര്‍ക്ക് ലഭിച്ചു. ഇത് അന്തിക്കാട് പോലീസിന് കൈമാറി. തുടര്‍ന്ന് പോലീസ് നടത്തിയ അന്വേഷണത്തില്‍ നിതിനെ ആത്മഹത്യാ പ്രേരണക്കുറ്റം ചുമത്തി അറസ്റ്റ് ചെയ്യുകയായിരുന്നു. അന്തിക്കാട് എസ്ഐ എ. ഹബീബുള്ള, എഎസ്ഐ സാബു, എസ്.സി.പി.ഒ മാരായ രാജി, അനു എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: