കോഴിക്കോട്: കെഎസ്ആര്‍ടിസി കരാറിലെ വസ്തുത പുറത്തുകൊണ്ട്‌വരണമെന്ന് ആവശ്യപ്പെട്ട് ബിജെപി സത്യഗ്രഹ സമരം നാളെ. കെഎസ്ആര്‍ടിസി കെട്ടിടത്തിനായി നല്‍കിയ കരാര്‍ റദ്ദാക്കി ജുഡീഷ്യല്‍ അന്വേഷണം നടത്തണമെന്നുന്നയിച്ച് ബിജെപി ജില്ല അധ്യക്ഷന്‍ വി.കെ. സജീവന്റെ നേതൃത്വത്തിലാണ് മാവൂര്‍ റോഡില്‍ കെഎസ്ആര്‍ടിസിക്ക് മുന്നില്‍ സത്യഗ്രഹം.
രാവിലെ പത്തിന് പാര്‍ട്ടി ദേശീയ നിര്‍വാഹക സമിതി അംഗം കുമ്മനം രാജശേഖരന്‍ ഉദ്ഘാടനം ചെയ്യും. സമാപന സമ്മേളനം സംസ്ഥാന വൈസ്പ്രസിഡണ്ട് ബി. ഗോപാലകൃഷ്ണന്‍ ഉദ്ഘാടനം ചെയ്യും.
പുതിയ സാഹചര്യത്തില്‍ അലിഫ് ബില്‍ഡേഴ്‌സുമായുള്ള കരാര്‍ റദ്ദാക്കണം. 2004 മുതല്‍ കെഎസ്ആര്‍ടിസി കെട്ടിടവുമായി ബന്ധപ്പെട്ടുള്ള എല്ലാ ഇടപാടുകളും ജുഡീഷ്യല്‍ അന്വേഷണത്തിന് വിധേയമാക്കണം. നഷ്ടത്തിന് കാരണക്കാരായവരില്‍ നിന്ന് നഷ്ടപരിഹാരം ഈടാക്കണമെന്നും വാടകക്കെട്ടിടത്തില്‍ പ്രവര്‍ത്തിക്കുന്ന സര്‍ക്കാര്‍, അര്‍ദ്ധ സര്‍ക്കാര്‍ സ്ഥാപനങ്ങള്‍ ഇവിടേക്ക് മാറ്റണമെന്നും ജില്ലാ സെക്രട്ടറി എം. മോഹനനും ജില്ലാ വൈസ് പ്രസിഡണ്ട് ബി.കെ. പ്രേമനും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: