തിരുവനന്തപുരം : കേന്ദ്ര സര്‍ക്കാരിന്റെ കാര്‍ഷിക നിയമങ്ങള്‍ക്കെതിരെ മുഖ്യമന്ത്രി പിണറായി വിജയന്‍ നിയമസഭയില്‍ അവതരിപ്പിച്ച പ്രമേയം പരിഹാസ്യമെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രന്‍. ആദ്യം എതിര്‍ക്കുക പിന്നെ അതിന് പിറകെ പോവുക എന്നതാണ് എക്കാലത്തേയും ഇടത് പക്ഷത്തിന്റെ നിലപാട്. കാര്‍ഷിക നിയമവുമായി ബന്ധപ്പെട്ട് ബിജെപിക്കുള്ളില്‍ രണ്ട് അഭിപ്രായങ്ങള്‍ ഇല്ലെന്നും സുരേന്ദ്രന്‍ അറിയിച്ചു. ഇടുക്കിയില്‍ വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.
കേന്ദ്രസര്‍ക്കാരിന്റെ കാര്‍ഷിക നിയമം ജനങ്ങളെ ബാധിക്കുന്നത് എങ്ങനെയാണെന്ന് സമരക്കാര്‍ക്ക് പോലും ഇതുവരെ പറയാന്‍ സാധിച്ചിട്ടില്ല. അതേസമയം നിയമസഭാ പ്രമേയവുമായി ബന്ധപ്പെട്ട് ബിജെപി എംഎല്‍എ ഒ. രാജഗോപാലിന്റെ നിലപാടിനെ കുറിച്ച് അറിയില്ല. അദ്ദേഹത്തിന്റം പ്രസംഗം താന്‍ കേട്ടിട്ടില്ല. അന്വേഷിച്ചശേഷം പ്രതികരിക്കാമെന്നും കെ.സുരേന്ദ്രന്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: