ഫറ്റോദ: ഐഎസ്എല്ലില്‍ ഈസ്റ്റ് ബംഗാളിന് നാലാം തോല്‍വി. ഹൈദരാബാദ് എഫ്‌സിയോട് രണ്ടിനെതിരെ മൂന്ന് ഗോളുകള്‍ക്ക് തോറ്റു. അഞ്ച് മത്സരങ്ങള്‍ കളിച്ച് പോയിന്റ് പട്ടികയില്‍ അവസാന സ്ഥാനക്കാരായ ഈസ്റ്റ് ബംഗാളിന് ഇതുവരെ വിജയിക്കാനായിട്ടില്ല. 56-ാം മിനിറ്റില്‍ നായകന്‍ അറിഡാന്‍ സാന്റന നേടിയ ഇരട്ട ഗോളാണ് ഹൈദരാബാദിനെ അനായാസ വിജയത്തിലേക്കെത്തിച്ചത്.
56-ാം മിനിറ്റില്‍ ഹെഡറിലൂടെയും പിന്നീട് അതേ മിനിറ്റില്‍ അത്യുഗ്രന്‍ പാസിലൂടെയും വല കുലുക്കുകയായിരുന്നു. പകരക്കാരനായി ഇറങ്ങിയ ലിസ്റ്റണ്‍ കൊലാക്കോ, നാല് ഈസ്റ്റ് ബംഗാള്‍ പ്രതിരോധ താരങ്ങളെ കബളിപ്പിച്ച് നല്‍കിയ പാസിലൂടെയാണ് സാന്റന രണ്ടാം ഗോള്‍ നേടിയത്. 68-ാം മിനിറ്റിലായിരുന്നു ഹൈദരാബാദിന്റെ മൂന്നാം ഗോള്‍. ലിസ്റ്റണ്‍ കൊലാക്കോയുടെ മറ്റൊരു മനോഹര പാസ് ഹോളിച്ചരന്‍ നാഴ്‌സരി അനായാസം വലയിലെത്തിച്ചു. വിജയത്തോടെ ഹൈദരാബാദ് പോയിന്റ് പട്ടികയില്‍ അഞ്ചാം സ്ഥാനത്തേക്കുയര്‍ന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: