ന്യൂദല്‍ഹി: വിരാട് കോഹ്‌ലി നയിക്കുന്ന ഇപ്പോഴത്തെ ടീമാണ് ഇന്ത്യയുടെ എക്കാലത്തെയും ഏറ്റവും മികച്ച ടെസ്റ്റ് ടീമെന്ന് ഇതിഹാസമായ സുനില്‍ ഗാവസ്‌കര്‍. മൂര്‍ച്ചയേറിയ ഇപ്പോഴത്തെ ബൗളിങ് നിര സന്തുലിതമാണ്. ഇതാണ് മുന്‍ കാല ഇന്ത്യന്‍ ടീമുകളില്‍ നിന്ന് കോഹ്‌ലിയുടെ ടീമിനെ വ്യത്യസ്തരാക്കുന്നതെന്ന് സുനില്‍ ഗാവസ്‌കര്‍ പറഞ്ഞു.
നിലവിലെ ടെസ്റ്റ് ടീമാണ് ഇന്തയുടെ എക്കാലത്തെയും മികച്ച ടീമെന്നാണ് എന്റെ വിശ്വാസം. സന്തുലിതമായ ടീമാണ്. കഴിവും സാങ്കേതിക മികവും ഉണ്ട്. ഇതിനെക്കാള്‍ മികച്ച് ടീം ഉണ്ടായിട്ടില്ലെന്ന് ഗാവസ്‌കര്‍ ഇന്ത്യ ടുഡേ സംഘടിപ്പിച്ച ഒരു പരിപാടിയില്‍ വെളിപ്പെടുത്തി.
വിരാട് കോഹ്‌ലിയുടെ നായകത്വത്തില്‍ ഇന്ത്യ ഐസിസി ലോക റാങ്കങ്ങില്‍ ഒന്നാം സ്ഥാനത്തെത്തി. ലോക ടെസ്റ്റ് ചാമ്പ്യന്‍ഷിപ്പിന്റെ പോയിന്റ് നിലയിലും ഇന്ത്യ ഒന്നാംസ്ഥാനത്താണ്. 2018-19 സീസണില്‍ കോഹ്‌ലിയുടെ നായകത്വത്തില്‍ ഇന്ത്യ ഓസ്‌ട്രേലിയിയില്‍ ഇതാദ്യമായി ടെസ്റ്റ് പരമ്പര സ്വന്തമാക്കിയിരുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: