രൂക്ഷമായ സൈബര്‍ ആക്രമണത്തില്‍ മനംനൊന്ത് നടി വിജയലക്ഷ്മി ആത്മഹത്യയ്ക്ക് ശ്രമിച്ചു. താന്‍ ജീവനൊടുക്കുകയാണെന്ന് വീഡിയോ പങ്കുവച്ച ശേഷമാണ് ഇവര്‍ അമിത അളവില്‍ ഗുളിക കഴിച്ച് ആത്മഹത്യയ്ക്ക് ശ്രമിച്ചത്. ഉടന്‍ വിജയലക്ഷ്മിയെ ചെന്നൈയിലെ ഒരു സ്വകാര്യ ആശുപത്രിയിലാക്കുകയായിരുന്നു.
നാം തമിഴര്‍ പാര്‍ട്ടി നേതാവ് ഹരിനാടാറിന്റെ അനുയായികള്‍ തന്നെ ഭീഷണിപ്പെടുത്തുകയും ഉപദ്രവിക്കുകയും ചെയ്തു എന്നാണ് നടി പുറത്തുവിട്ട വീഡിയോയില്‍ പറയുന്നത്.ഹരിനാടാര്‍ തനിക്കെതിരെ അകീര്‍ത്തിപരമായ പരാമര്‍ശങ്ങള്‍ നടത്തുകയും ജാതീയമായി അധിക്ഷേപിക്കുകയും ചെയ്തുവെന്ന് വിജയലക്ഷ്മി പറയുന്നു.
‘ദേവദൂതന്‍’ എന്ന മോഹന്‍ലാല്‍ ചിത്രത്തില്‍ ഒരു പ്രധാന വേഷത്തിലെത്തിയ നടിയാണ് വിജയലക്ഷ്മി. സൂര്യയും വിജയും ഒന്നിച്ച ‘ഫ്രണ്ട്സ്’, ‘ബോസ് എങ്കിറാ ഭാസ്‌കര്‍’, ‘മീസയാ മുറുക്ക്’ എന്നീ ചിത്രങ്ങളിലും വിജയലക്ഷ്മി അഭിനയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: