ന്യൂദല്‍ഹി: മുന്‍ പാക്കിസ്ഥാന്‍ നായകന്‍ യുനസ് ഖാനെതിരെ രൂക്ഷ വിമര്‍ശനവുമായി പരിശീലകന്‍ ഗ്രാന്റ് ഫ്‌ളവര്‍. 2014 മുതല്‍ 2019 വരെ പാക്കിസ്ഥാന്റെ ബാറ്റിങ് പരിശീലകനായിരുന്ന ഗ്രാന്റ് ഫ്‌ളവര്‍ ഓസ്‌ട്രേലിയന്‍ പര്യടനത്തിനിടെ ചില ഉപദേശങ്ങള്‍ നല്‍കിയപ്പോള്‍ യുനസ് ഖാന്‍ തന്റെ കഴുത്തില്‍ കത്തിവച്ചെന്ന് അഭിപ്രായപ്പെട്ടു. ബ്രിസ്‌ബെയ്ന്‍ ടെസ്റ്റിനിടെ രാവിലെയാണ് സംഭവം. യുനസ് ഖാന്‍ ഭക്ഷണം കഴിക്കുന്നതിനിടെ ഗ്രൗണ്ടിനെപറ്റിയും സ്വീകരിക്കേണ്ട മുന്‍കരുതലിനെപറ്റിയും ഫ്‌ളവര്‍ വിശദീകരിച്ചപ്പോള്‍ കഴുത്തില്‍ കത്തിവയ്‌ക്കുകയായിരുന്നു.
മിക്കി ആര്‍തര്‍ അടുത്തിരുന്നതിനാല്‍ പിടിച്ചു മാറ്റി. വളരെ കര്‍ക്കശക്കാരനായിരുന്നു യുനസ് ഖാനെന്നും ഫ്‌ളവര്‍ പറഞ്ഞു. നിലവില്‍ പാക്കിസ്ഥാന്റെ ബാറ്റിങ് പരിശീലകനാണ് യുനസ്. പാക്കിസ്ഥാനായി 118 ടെസ്റ്റ് കളിച്ച യുനസ് ഖാന്‍ 10,099 റണ്‍സും നേടിയിട്ടുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: