എരവട്ടൂരില്‍ കുറുക്കന്റ കടിയേറ്റ് നിരവധി പേര്‍ക്ക് പരിക്ക്‌

പരാമ്പ്ര: എരവട്ടൂരില്‍ കുറുക്കന്റെ കടിയേറ്റ് നിരവധി പേര്‍ക്കും വളര്‍ത്ത് നായക്കും പരിക്കേറ്റു. നാട്ടുകാര്‍ കുറുക്കനെ തല്ലിക്കൊന്നു. എരവട്ടൂര്‍ ഏരത്ത് മുക്ക്, കുണ്ടുംകര മുക്ക് ഭാഗങ്ങളിലാണ് ഇന്നലെ രാവിലെ ആളുകള്‍ക്ക് കുറുക്കന്റെ കടിയേറ്റത്. 6 മണിയോടെ ജനവാസ കേന്ദ്രങ്ങളിലെത്തിയ കുറുക്കന്‍ വീടുകള്‍ക്കുള്ളില്‍ പോലും കയറി ആളുകളെ കടിക്കുകയായിരുന്നു.  

സ്ത്രീകളും കുട്ടികളും വൃദ്ധരുമുള്‍പ്പെടെ പരുേക്കറ്റവരെ പേരാമ്പ്ര താലൂക്ക് ആശുപത്രിയിലെ പ്രാഥമിക ചികിത്സക്ക് ശേഷം കോഴിക്കോട് ഗവ. മെഡിക്കല്‍ കോളേജിലേക്ക് മാറ്റി. പുതിയമഠത്തില്‍ നാരായണന്‍ (62), ഏലത്ത് മീത്തല്‍ ഷീന (42), കണ്ണന്‍േകാട്ട് തറമ്മല്‍ സീമ (33), മുണ്ടയോട്ട് മീത്തല്‍ ഗിരീഷ് (45), കുണ്ടുംകര ചെക്കോട്ടി (95), തെയ്യത്താം കണ്ടി അമ്മത് (62), തെയ്യത്താം കണ്ടി ഷാലു (8), നാലുകണ്ടത്തില്‍ കുഞ്ഞബ്ദുള്ള (50) എന്നിവര്‍ക്കാണ് പരിക്കേറ്റത്. കുണ്ടുംകര ചന്ദ്രന്റെ വീട്ടിലെ വളര്‍ത്ത് നായക്കും കുറുക്കന്റെ കടിയേറ്റു. ഏറെ നേരം പ്രദശത്ത് ഭീകരാന്തരീക്ഷം സൃഷ്ടിച്ച കുറുക്കനെ നാട്ടുകാര്‍ ചേര്‍ന്ന് തല്ലികൊല്ലുകയായിരുന്നു.