ലണ്ടന്‍: മാഞ്ചസ്റ്റര്‍ യുണൈറ്റഡ് എഫ്എ കപ്പില്‍ വിജയം തുടരുന്നു. അധിക സമയത്തേക്ക് നീട്ട ആവേശപ്പോരാട്ടത്തില്‍ നോര്‍വിച്ച് സിറ്റിയെ ഒന്നിനെതിരെ രണ്ട് ഗോളുകള്‍ക്ക്് മറികടന്ന്് യുണൈറ്റഡ് സെമിഫൈനലിലേക്ക് മാര്‍ച്ച് ചെയ്തു. എക്‌സ്ട്ര ടൈമില്‍ ക്യാപ്റ്റന്‍ ഹാരി മാഗ്യൂറിയുടെ ഗോളിലാണ് യുണൈറ്റഡ് വിജയം പിടിച്ചത്.
മുന്നേറ്റനിരക്കാരന്‍ ഒഡിയോണ്‍ അമ്പത്തിയൊന്നാം മിനിറ്റില്‍ യുണൈറ്റഡിനെ മുന്നിലെത്തിച്ചു. ഗോള്‍ വീണതോടെ തകര്‍ത്തുകളിച്ച നോര്‍വിച്ച് 75-ാം മിനിറ്റില്‍ ഗോള്‍ മടക്കി. മധ്യനിരക്കാരനായ ടോഡ് കാന്റ്‌വെല്ലാണ് സ്‌കോര്‍ ചെയ്തത്. അവസാന നിമിഷങ്ങളില്‍ ടിം ക്ലോസ് ചുവപ്പ് കാര്‍ഡ് കണ്ട് പുറത്തായെങ്കിലും നോര്‍വിച്ച് ശക്തമായി പൊരുതിനിന്ന് മത്സരം എക്‌സ്ട്രാ ടൈമിലേക്ക് നീട്ടി.
മത്സരം ഷൂട്ടൗട്ടിലേക്ക് നീങ്ങവെ 118-ാം മിനിറ്റില്‍ നിര്‍ണായക ഗോള്‍ കുറിച്ച് മാഗ്യൂറി യുണൈറ്റഡിനെ സെമിഫൈനലിലേക്ക് കടത്തിവിട്ടു. 2016 ലാണ് മാഞ്ചസ്റ്റര്‍ യുണൈറ്റ്ഡ് അവസാനമായി എഫ്എ കപ്പ് നേടിയത്. അത് അവരുടെ പന്ത്രണ്ടാം എഫ്എ കപ്പ് കിരീടമായിരുന്നു. മികച്ച ഫോം നിലനിര്‍ത്തുന്ന യുണൈറ്റഡ് ഫൈനലിലേക്കുള്ള പാതയിലാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: